შეკითხვების ყუთი

◼ უნდა ვილოცოთ მაშინ, როცა ბიბლიის შესწავლას კარებთან ვატარებთ?

ბიბლიის შესწავლის ლოცვით დაწყებასა და დამთავრებას მრავალი დადებითი მხარე აქვს. ლოცვაში ჩვენ იეჰოვას ვთხოვთ წმინდა სულს, რათა შესწავლის დროს გვიხელმძღვანელოს (ლუკ. 11:13). ლოცვა აგრეთვე ეხმარება შემსწავლელს, სერიოზულად მოეკიდოს ბიბლიის შესწავლას. ამ დროს ის თვითონაც სწავლობს, როგორ ილოცოს (ლუკ. 6:40). ამიტომ, კარგი იქნება, თუ ბიბლიის შესწავლის რამდენიმეჯერ ჩატარების შემდეგ, შემსწავლელს მალევე შევთავაზებთ შესწავლის ლოცვით დაწყებას. რამდენადაც ყოველთვის ერთნაირი სიტუაცია არ არის, შესწავლის ჩამტარებელმა უნდა გამოავლინოს გამჭრიახობა და თავად გადაწყვიტოს წარმოთქვას თუ არა ლოცვა ბიბლიის შესწავლის კარებთან ჩატარების დროს.

ერთ-ერთი მნიშვნელოვანი რამ, რაც უნდა გაითვალისწინოთ, არის ადგილი, სადაც შესწავლას ატარებთ. თუ იქ, სადაც შესწავლას ატარებთ ხელს არავინ გიშლით, გონივრული იქნება, თუ შესწავლის დაწყებისას და დამთავრებისას მოკლედ ილოცებთ. მაგრამ თუ ასე მოქმედებით სხვების ყურადღებას იპყრობთ ან შემსწავლელი თავს უხერხულად გრძნობს, უმჯობესი იქნება დაელოდოთ ისეთ სიტუაციას, როცა ლოცვის შესაძლებლობა მოგეცემათ. ნებისმიერ შემთხვევაში, სადაც არ უნდა ატარებდეთ შესწავლას, თავად უნდა განსაზღვროთ, როდის შეთავაზებთ შემსწავლელს ბიბლიის შესწავლის ლოცვით დაწყებას (იხილეთ 2005 წლის მარტის „ჩვენი სამეფო მსახურება“, გვერდი 8).