რატომ არის კარგი, გქონდეს პირადი უბანი?
1. რა არის პირადი უბანი?
1 რა არის პირადი უბანი? თუ შენს კრებას ვრცელი ტერიტორია აქვს, შეგიძლია პირადი უბანი აიღო, მაგალითად, შენს სახლთან ახლოს. წიგნში „ორგანიზებულნი“ 103-ე გვერდზე წერია: „თუ პირადი უბანი შენთვის ხელსაყრელ ადგილას გექნება, ეს საშუალებას მოგცემს, უფრო ეფექტურად გამოიყენო დრო, რომელსაც სამქადაგებლო მსახურებას უთმობ. შეგიძლია სხვა მაუწყებელიც მიიწვიო, რათა ერთად დაამუშაოთ შენი უბანი“.
2. რით არის კარგი პირადი უბნის ქონა სამსახურთან ან სახლთან ახლოს?
2 ჯგუფური ქადაგების გარდა. თუ სამსახურთან ახლოს აიღებ პირად უბანს, შეგიძლია იქადაგო შესვენების დროს ან სამუშაოს შემდეგ; შეიძლება იმ მაუწყებელთან ერთად წახვიდე საქადაგოდ, ვინც ახლოს მუშაობს. თუ სახლთან ახლოს აიღებ უბანს, ოჯახის წევრებთან ერთად შეგიძლია საღამოს საათებში იქადაგო. თუ არ ესწრები შეხვედრას სამქადაგებლო მსახურებისთვის, გონივრულია, თუ ქადაგების დაწყებამდე ლოცვით მიმართავ იეჰოვას და ხელმძღვანელობას სთხოვ (ფილ. 4:6). გარდა ამისა, დრო ისე უნდა გაანაწილო, რომ პირად უბანზეც იქადაგო და ჯგუფურ ქადაგებაშიც მიიღო მონაწილეობა. განსაკუთრებით შაბათ-კვირას, როდესაც ბევრი ესწრება შეხვედრას სამქადაგებლო მსახურებისთვის, კარგია, თუ შენც დაუჭერ მხარს შენს სამქადაგებლო ჯგუფს.
3. რა დადებითი მხარეები აქვს პირადი უბნის ქონას?
3 დადებითი მხარეები. თუ პირადი უბანი გაქვს, შეგიძლია იქადაგო მაშინ, როცა ამის შესაძლებლობა მოგეცემა. შეგიძლია მეტი იქადაგო და დაზოგო დრო, რომელიც მგზავრობაში გეხარჯებოდა. ეს შესაძლებლობას აძლევს ზოგ ქრისტიანს, იმსახუროს დამხმარე პიონერად ან პიონერად. ვინაიდან მობინადრეები, რომლებმაც ინტერესი გამოავლინეს, შენს სახლთან ახლოს ცხოვრობენ, უფრო ადვილია, განმეორებით მოინახულო ისინი და ჩაუტარო ბიბლიის შესწავლები. ბევრი დარწმუნდა, რომ პირად უბანზე ქადაგება ეხმარება მათ, კარგად გაიცნონ მობინადრეები და მოიპოვონ მათი ნდობა, განსაკუთრებით, თუ უბანს რამდენიმეჯერ ამუშავებენ და მხოლოდ შემდეგ აბარებენ. დაგეხმარება შენ და შენს ოჯახს პირად უბანზე ქადაგება, ყოველმხრივ შეასრულო მსახურება? (2 ტიმ. 4:5).