გულთბილად შეხვდი სტუმრებს
1. რომელი მოვლენა გვაძლევს დამოწმების შესანიშნავ შესაძლებლობას და რატომ?
1 დამოწმების შესაძლებლობას გახსენების საღამოზე უკეთ ვერც ერთი მოვლენა ვერ მოგვცემს. სავარაუდოდ, წელს 10 მილიონზე მეტი სტუმარი დაესწრება გახსენების საღამოს და გაიგებს, თუ რა ორი განსაკუთრებული სახით გამოვლინდა სიყვარული გამოსასყიდით (იოან. 3:16; 15:13). დამსწრეები აგრეთვე გაიგებენ იმ მომავალი კურთხევების შესახებ, რომელთა მიღება შესაძლებელია ღვთის ძღვნის წყალობით (ეს. 65:21—23). თუმცა მომხსენებელი არ არის ერთადერთი, რომელიც დაამოწმებს ამ დღეს. ყველა მაუწყებელს ექნება კარგი დამოწმების შესაძლებლობა, თუ გულთბილად შეხვდება სტუმრებს (რომ. 15:7).
2. როგორ შეგვიძლია გულთბილად შევხვდეთ სტუმრებს?
2 ნაცვლად იმისა, რომ თავისუფალი ადგილი იპოვო და დაელოდო პროგრამის დაწყებას, კარგია, თუ გამოავლენ ინიციატივას და გაეცნობი სტუმრებს. ისინი შეიძლება უხერხულად გრძნობენ თავს, ვინაიდან არ იციან, რა იქნება. ჩვენი თბილი ღიმილი და მეგობრული მისალმება დაეხმარება მათ, თავისუფლად იგრძნონ თავი. თუ გაიგებ, რომ ვინმე მოსაწვევით მოვიდა, შეგიძლია ჰკითხო, პირველად ხომ არ ესწრება ჩვენს შეხვედრას ან იცნობს თუ არა ვინმეს კრებაში. შეგიძლია შენ გვერდით დაჯდომა შესთავაზო და ჩაახედო შენს ბიბლიასა და სიმღერების წიგნში. თუ გახსენების საღამო სამეფო დარბაზში ტარდება, შეგიძლია პატარა ექსკურსია ჩაუტარო. მოხსენების შემდეგ უთხარი, რომ მზად ხარ მის კითხვებს უპასუხო. თუ თქვენ შემდეგ სხვა კრება ატარებს გახსენების საღამოს და დარბაზის დატოვება სწრაფად მოგიწევთ, შეგიძლია ჰკითხო: „მაინტერესებს, რას ფიქრობთ ამ შეხვედრაზე. როგორ შეიძლება თქვენთან დაკავშირება?“. შემდეგ შეუთანხმდი, თუ როდის მოინახულებ. უხუცესები განსაკუთრებით უნდა ეცადონ, რომ გაამხნეონ გახსენების საღამოზე მოსული არააქტიური მაუწყებლები.
3. რატომ არის მნიშვნელოვანი, რომ გულთბილად შევხვდეთ სტუმრებს გახსენების საღამოზე?
3 ბევრი პირველად დაინახავს იმ სიხარულს, მშვიდობასა და ერთობას, რომელიც სუფევს ჩვენს სულიერი სამოთხეში და რომლითაც ვხარობთ როგორც იეჰოვას ხალხი (ფსალმ. 29:11; ეს. 11:6—9; 65:13, 14). რა დაამახსოვრდებათ სტუმრებს გახსენების საღამოს შემდეგ? ბევრია დამოკიდებული იმაზე, თუ როგორ შევხვდებით მათ.