გამოიყენეთ ჩვენი ვებ-გვერდი, რათა ასწავლოთ შვილებს

1. რა მიზანს ემსახურება ჩვენს ვებ-გვერდზე მოცემული განყოფილება „ბავშვები“?

¹ ჩვენი ვებ-გვერდი jw.org ისეა შედგენილი, რომ საინტერესო იყოს ნებისმიერი ასაკის ადამიანისთვის. ვებ-გვერდზე მოცემული განყოფილება „ბავშვები“ (ბიბლიური სწავლებები > ბავშვები) ბავშვებსა და მათ მშობლებს დაეხმარება იეჰოვასთან და ერთმანეთთან დაახლოებაში (კან. 6:6, 7). როგორ შეგიძლიათ ამ განყოფილების მეშვეობით თქვენი შვილების დახმარება?

2. როგორ შეგიძლიათ შეარჩიოთ თქვენი შვილების ასაკისთვის შესაფერისი შესასწავლი მასალა?

² იყავი მოხერხებული. თითოეულ ბავშვს ინდივიდუალური მოთხოვნილება აქვს (1 კორ. 13:11). ამიტომ როგორ შეგიძლიათ შეარჩიოთ თქვენი შვილების ასაკისთვის შესაფერისი შესასწავლი მასალა? დაფიქრდით შემდეგ კითხვებზე: რა უფრო მეტად მიიპყრობს ჩემი შვილების ყურადღებას? რამდენად შეძლებენ ამის გაგებას? სამ წლამდე ასაკის ბავშვებთან შეგიძლიათ განიხილოთ „ბიბლიურ გაკვეთილებში“ მოცემული მასალა. აგრეთვე შეგიძლიათ განიხილოთ ბიბლიური ისტორიები, რომლებიც მოცემულია ქვეგანყოფილებაში „ასწავლეთ შვილებს“. ამასთანავე, ყურადღება მიაქციეთ შემდეგს.

3. როგორ შეუძლიათ მშობლებს უფრო შედეგიანად გამოიყენონ ქვეგანყოფილებაში „შესასწავლი მასალა ოჯახური თაყვანისცემისთვის“ მოცემული ბიბლიური ისტორიები და სახალისო სავარჯიშოები?

³ „შესასწავლი მასალა ოჯახური თაყვანისცემისთვის“. ჩვენს ვებ-გვერდზე ამ ქვეგანყოფილებაში მასალები ოჯახისთავებს დაეხმარება, შესწავლები ჩაუტარონ თავიანთ შვილებს. ჩამოტვირთეთ და წაიკითხეთ „მითითება მშობლებისთვის“, რათა ისწავლოთ, როგორ გამოიყენოთ ბიბლიური ისტორიები და სახალისო სავარჯიშოები. როცა პატარებს ასწავლით, გამოიყენეთ „სურათებში“ მოცემული ქვეგანყოფილება „გასაფერადებელი გვერდი“. მოზარდ ბავშვებს დაეხმარეთ სახალისო სავარჯიშოების გაკეთებაში. ყველა ის ინფორმაცია, რომელიც მოცემულია ნაწილში „შესასწავლი მასალა ოჯახური თაყვანისცემისთვის“ უკავშირდება ერთსა და იმავე ბიბლიურ ისტორიასა და გაკვეთილს. ამგვარად, ოჯახში ყველა ასაკის ბავშვი შეძლებს მონაწილეობის მიღებას ოჯახურ თაყვანისცემაში.

4. რა არის მოცემული ქვეგანყოფილებაში „დაუმეგობრდი იეჰოვას“?

⁴ „დაუმეგობრდი იეჰოვას“. ამ ქვეგანყოფილებაში მოცემული „ფილმები“, „სიმღერები“ და „სავარჯიშოები“ დაეხმარება მშობლებს, ჩაუნერგონ ღვთის სიტყვა შვილებს (კან. 31:12). თითოეული ანიმაციური ფილმი მნიშვნელოვან გაკვეთილს ასწავლის პატარებს. „სავარჯიშოებში“ მოცემული მითითებები დაეხმარება ბავშვებს, ჩასწვდნენ ამ გაკვეთილების მნიშვნელობას. ბავშვებს ძალიან უყვართ სიმღერები. და ვინაიდან სიმღერების მეშვეობით ისინი უკეთ იმახსოვრებენ ნასწავლს, სამეფო სიმღერები და ბავშვებისთვის სპეციალურად ჩაწერილი სიმღერები რეგულარულად თავსდება ჩვენს ვებ-გვერდზე.

5. რატომ უნდა სთხოვონ მშობლებმა იეჰოვას დახმარება შვილებისთვის ჭეშმარიტების სწავლაში?

⁵ დედებო და მამებო, იეჰოვას სურს, რომ თქვენ წარმატებით გაართვათ თავი მშობლის როლს. ამიტომ სთხოვეთ იეჰოვას, დაგეხმაროთ თქვენი შვილებისთვის ჭეშმარიტების სწავლაში (მსაჯ. 13:8). იეჰოვას მხარდაჭერით შეძლებთ თქვენი შვილების ისე აღზრდას, რომ „ქრისტე იესოში რწმენით“ დაბრძენდნენ და გადარჩნენ (2 ტიმ. 3:15; იგავ. 4:1—4).