გამოიყენე ვებ-გვერდი jw.org მსახურებაში — „დაუმეგობრდი იეჰოვას“

ჩვენს ვებ-გვერდზე განყოფილებაში „ბიბლიური სწავლებები“ მოცემულია ქვეგანყოფილება პატარებისთვის „დაუმეგობრდი იეჰოვას“, რომელშიც განთავსებულია სიმღერები, ანიმაციური ფილმები და სახალისო სავარჯიშოები. გამოგიყენებია ეს ქვეგანყოფილება მსახურებაში? მაგალითად, თუ ბიბლიას ასწავლი მშობელს, რომელსაც მცირეწლოვანი შვილები ჰყავს, შეგიძლია მისი ყურადღება ჩვენს ვებ-გვერდზე განთავსებული საბავშვო მასალისკენ მიმართო. შედეგად, შესაძლოა მშობელი ვებ-გვერდზე განთავსებულ სხვა ინფორმაციასაც გაეცნოს.

ერთხელ, როცა ძმამ მსახურებაში ერთ ქალბატონს ბუკლეტი „ცნობა სამეფოს შესახებ“ №38 შესთავაზა, ქალბატონმა ბუკლეტი გამოართვა და მაშინვე დაიწყო კითხვა. მას თან ახლდნენ მცირეწლოვანი შვილები, რომლებსაც ძალიან აინტერესებდათ, თუ რა ეწერა ბუკლეტში. ძმამ ქალბატონთან მოკლედ მიმოიხილა ბუკლეტის შინაარსი და უკანა გვერდზე მითითებულ ვებ-გვერდის მისამართზე გაუმახვილა ყურადღება. ვინაიდან ამ ქალბატონმა ინტერესი გამოიჩინა, ძმამ დრო იხელთა და მობილური მოწყობილობის მეშვეობით მასსა და მის ბავშვებს მათეზე ერთ-ერთი ანიმაციური ფილმი აყურებინა.

ერთი ჩვენი და თავის თანამშრომელს, რომელსაც მცირეწლოვანი შვილები ჰყავს, ესაუბრა ჩვენი ვებ-გვერდის შესახებ და უთხრა, რომ ამ ვებ-გვერდზე ოჯახისთვის საჭირო რჩევებსაც იპოვიდა. თანამშრომელი ქალბატონი ჩვენს ვებ-გვერდს თავის პატარებთან ერთად ეწვია. მოგვიანებით ამ ქალბატონმა ჩვენს დას უთხრა, რომ მისი შვილები სახლში სულ „იქადაგე სიტყვას“ მღეროდნენ. ეს ერთ-ერთი სიმღერაა, რომელიც განთავსებულია ქვეგანყოფილებაში „დაუმეგობრდი იეჰოვას“.

გაეცანი ჩვენს ვებ-გვერდზე jw.org არსებულ ქვეგანყოფილებას „დაუმეგობრდი იეჰოვას“ და შენს პორტატიულ მოწყობილობაში ჩამოტვირთე ფილმები, სიმღერები და სახალისო სავარჯიშოები. ამგვარად, შეძლებ, რომ მსახურებაში გამოიყენო ვებ-გვერდზე jw.org მოცემული ქვეგანყოფილება „დაუმეგობრდი იეჰოვას“. მართლაც შესანიშნავი საშუალება გვაქვს ხელთ, რომ ვემსახუროთ უფალს, როგორც მონებმა! (საქ. 20:19).