მიჰბაძე წინასწარმეტყველებს — ოსია
1. რა კითხვა შეიძლება გაგვიჩნდეს ზოგჯერ?
1 რა შემიძლია გავიღო მსხვერპლად იეჰოვასთვის? ალბათ ეს კითხვა მაშინ გიჩნდება, როცა იეჰოვას განუსაზღვრელ სიკეთესა და წყალობაზე ფიქრობთ (ფსალმ. 103:2—4; 116:12). ოსიამ სიამოვნებით შეასრულა იეჰოვას დავალება, მიუხედავად იმისა, რომ ეს მას გარკვეული მსხვერპლის ფასად დაუჯდა. როგორ შეგვიძლია მივბაძოთ ოსიას?
2. როგორ შეგვიძლია მივბაძოთ ოსიას კარგ მაგალითს?
2 ქადაგება არასახარბიელო დროს. ოსიას ცნობა უშუალოდ ეხებოდა ისრაელის ათტომიან სამეფოს, სადაც ჭეშმარიტი თაყვანისმცემლობა თითქმის აღარ არსებობდა. მეფე იერობოამ II ბოროტებას სჩადიოდა იეჰოვას თვალში და იერობოამ I-ის მსგავსად, ისიც ხბოს სცემდა თაყვანს (2 მეფ. 14:23, 24). ათტომიანი სამეფოს მომდევნო მეფეებიც ბოროტ გზას ადგნენ, ვიდრე ეს სამეფო ძვ. წ. 740 წელს არ განადგურდა. თუმცა, მიუხედავად იმისა, რომ სამეფოში ცრუ რელიგია იყო გაბატონებული, ოსია, სულ მცირე, 59 წლის განმავლობაში ერთგულად ემსახურებოდა ღმერთს როგორც წინასწარმეტყველი. გვაქვს გადაწყვეტილი, რომ არ შევწყვიტოთ ქადაგება მაშინაც კი, თუ გულგრილობასა და წინააღმდეგობას შევხვდებით? (2 ტიმ. 4:2).
3. რას გვეუბნება ოსიას ცხოვრება იეჰოვას შესახებ?
3 იეჰოვას წყალობა. იეჰოვამ ოსიას უთხრა: „წადი, მოიყვანე ცოლი, რომელიც გაირყვნება“ (ოს. 1:2). მართალია, ოსიას ცოლმა, გომერმა, წინასწარმეტყველს ვაჟი გაუჩინა, მაგრამ, როგორც ჩანს, მოგვიანებით გომერს ორი უკანონო შვილი კიდევ შეეძინა. ოსიას მიმტევებლობა საუკეთესოდ აღწერდა იმას, თუ რამხელა წყალობა გამოიჩინა იეჰოვამ თავისი ურჩი ერის, ისრაელის მიმართ, როცა მოინანიეს (ოს. 3:1; რომ. 9:22—26). ვართ ჩვენც მზად იმისთვის, რომ ყველანაირ ადამიანს გავაგებინოთ, თუ როგორი მოწყალე ღმერთია იეჰოვა? (1 კორ. 9:19—23).
4. რა მსხვერპლის გაღება შეგვიძლია იეჰოვასთვის?
4 იეჰოვას ზოგმა მსახურმა, უფრო მეტი დრო რომ დაეთმო მსახურებისთვის, წარმატებული კარიერა გაიღო მსხვერპლად. სხვები შეგნებულად არ ქმნიან ოჯახებს და არ აჩენენ შვილებს, რადგან ამგვარად უფრო მეტს აკეთებენ ღვთისთვის. როცა ოსიას ცხოვრებაზე ვფიქრობთ, შეიძლება ვთქვათ: „მე ვერასოდეს გავაკეთებ იმას, რაც მან გააკეთა“. თუმცა, როცა იეჰოვას სიკეთისადმი გვიღრმავდება მადლიერების გრძნობა და ვენდობით მის წმინდა სულს, რომელიც ძალის წყაროა, შეიძლება იეჰოვამ ჩვენც ისე გამოგვიყენოს ოსიას მსგავსად, რომ ვერც კი წარმოვიდგინოთ ვერასდროს (მათ. 19:26; ფილ. 2:13).