ახალი ვიდეორგოლი ბიბლიის შესწავლების დასაწყებად
ჩვენს ვებ-გვერდზე განთავსებული მოკლემეტრაჟიანი ვიდეორგოლი „რატომ ვსწავლობთ ბიბლიას?“ ფართო მასებისთვის არის ხელმისაწვდომი. ეს ვიდეორგოლი ისეა შედგენილი, რომ დაინტერესებულ პიროვნებას გაუჩნდეს სურვილი, დაიწყოს ბიბლიის უფასო შესწავლა. ამ შემთხვევაში მან უნდა დააწკაპუნოს საწყისი გვერდის ბოლოში მოცემულ ბმულზე „ბიბლიის შესწავლის მსურველთათვის“ ან დაასკანიროს თითოეული ახალი ბუკლეტის ბოლოში მოცემული QR (სწრაფი რეაგირების) კოდი. ქვემოთ მოცემულია რამდენიმე რჩევა, თუ როგორ შეგვიძლია ამ ვიდეორგოლის გამოყენება.
განმეორებითი მონახულების დროს უთხარი მობინადრეს: „თუ გნებავთ, გაჩვენებთ მოკლე ვიდეორგოლს, რომელშიც ნაჩვენებია, როგორ შეგიძლიათ პასუხების მიღება ბიბლიურ კითხვებზე“. მისი თანხმობის შემთხვევაში უჩვენე ეს ვიდეორგოლი თქვენს მობილურ მოწყობილობაში ან მის კომპიუტერში.
თუ არაფორმალურად ან საზოგადოებრივი თავშეყრის ადგილებში ქადაგებისას გაავრცელებ რომელიმე ახალ ბუკლეტს, მოსაუბრეს ყურადღება გაუმახვილე მასზე მოცემულ QR კოდზე და უთხარი, რომ მას მობილური მოწყობილობის მეშვეობით შეუძლია ამ კოდის დასკანირება. QR კოდის დასკანირების შემთხვევაში მრავალ ენაზე შეძლებ ჩვენს ვებ-გვერდზე განთავსებული ვიდეორგოლის ნახვას, ამიტომ შეგიძლია მოსაუბრეს მობილური მოწყობილობის დახმარებით ადგილზევე უჩვენო ვიდეორგოლი.
ამ ვიდეორგოლის შესახებ უთხარი შენს თანამშრომლებს, თანაკლასელებს, ნათესავებსა თუ ნაცნობებს; სურვილის შემთხვევაში აყურებინე ან იმეილით გაუგზავნე ამ ვიდეორგოლის ბმული.
ამ ახალი დამხმარე საშუალებით ჩვენ შეგვიძლია უფრო მეტ ადამიანთან დავიწყოთ ბიბლიის შესწავლა და სულიერი დახმარება აღმოვუჩინოთ მათ, ვინც „მარადიული სიცოცხლისთვისაა . . . განწყობილი“ (საქ. 13:48).