როგორ ვისარგებლოთ JW ბიბლიოთეკით

შესწავლის დროს:

• წაიკითხე ბიბლია და ყოველდღიური მუხლი.

• წაიკითხე წელიწდეული, ჟურნალები და სხვა პუბლიკაციები. გამოიყენე სანიშნი.

• მოემზადე კრების შეხვედრებისთვის და მონიშნე პასუხები.

• უყურე ვიდეოებს.

კრების შეხვედრაზე:

• მოძებნე მომხსენებლის მიერ მოყვანილი ბიბლიური მუხლები. გამოიყენე ფუნქცია „ისტორია“, რათა მანამდე წაკითხულ მუხლებს დაუბრუნდე.

• კრების შეხვედრებზე უამრავი დაბეჭდილი პუბლიკაციის მიტანის ნაცვლად, ისარგებლე მობილური მოწყობილობით. JW ბიბლიოთეკაში დევს ახალი სიმღერები, რომლებიც ჯერ არ შესულა სიმღერების წიგნში.

მსახურების დროს:

• დაინტერესებულ ადამიანს აჩვენე რამე JW ბიბლიოთეკიდან, შემდეგ დაეხმარე, რომ თავის მოწყობილობაში ჩამოტვირთოს ეს აპლიკაცია და გადმოწეროს პუბლიკაციები.

• ბიბლიის მუხლის მოსაძებნად გამოიყენე ძიების ფუნქცია.

• აჩვენე ვიდეორგოლი. თუ მობინადრეს ჰყავს ბავშვები, აჩვენე ერთ-ერთი ვიდეორგოლი ანიმაციური ფილმების სერიიდან „დაუმეგობრდი იეჰოვას“. ბიბლიის შესწავლისადმი ინტერესის გასაღვივებლად შეგიძლია აჩვენო ვიდეორგოლი „რატომ ვსწავლობთ ბიბლიას?“. თუ მობინადრე უცხოენოვანია, აჩვენე ვიდეორგოლი მის ენაზე.

• ბიბლიური მუხლი სხვა ენაზე წააკითხე წინასწარ ჩამოტვირთული თარგმანიდან. გახსენი სასურველი მუხლი, შეეხე ბიბლიური მუხლის ციფრს, შემდეგ პარალელური თარგმანების ნიშანს.