განადიდე იეჰოვა შენი ცხოვრებით!

სიცოცხლე ძვირფასი ძღვენია. ჩვენი ყოველდღიური ცხოვრებიდან ჩანს, რამდენად ვაფასებთ ამ ძღვენს. იეჰოვას მოწმეები ვცდილობთ, რომ ჩვენი ნიჭითა თუ უნარით პატივი მივაგოთ და განვადიდოთ იეჰოვა, რომელმაც სიცოცხლე გვაჩუქა (ფსალმ. 36:9; გამოცხ. 4:11). თუმცა ცხოვრებისეულ საზრუნავს შეუძლია ადვილად დაჩრდილოს ღვთის მსახურება და უკანა პლანზე გადასწიოს (მარ. 4:18, 19). თითოეულმა უნდა ვკითხოთ საკუთარ თავს: ნამდვილად ვიღებ საუკეთესოს იეჰოვასთვის? (ოს. 14:2). ხომ არ მიშლის ამაში ხელს ჩემი სამუშაო? რა სულიერი მიზნები მაქვს? კიდევ როგორ შემიძლია მსახურების გაფართოება? თუ გაუმჯობესების საჭიროებას ხედავ, ლოცვაში სთხოვე იეჰოვას დახმარება და მოახდინე საჭირო ცვლილებები. დარწმუნებული იყავი, რომ, თუ ყოველდღიურად განადიდებ იეჰოვას, კმაყოფილი და ბედნიერი იქნები! (ფსალმ. 61:8).

უყურე ვიდეორგოლს „თქვენი შესაძლებლობები იეჰოვას განსადიდებლად გამოიყენეთ“ და უპასუხე ქვემოთ მოყვანილ კითხვებს:

• რატომ შეიძლება იმის თქმა, რომ სატანის ქვეყნიერებისთვის საკუთარი ნიჭისა თუ უნარის გამოყენება არაგონივრულია? (1 იოან. 2:17).

• რა კურთხევებს მიიღებენ ისინი, ვინც საუკეთესოს სწირავს იეჰოვას?

• წმინდა მსახურების რომელ სფეროებში შეგიძლია გამოიყენო შენი ნიჭი თუ უნარი?