რის გაკეთება გვმართებს, პირადი შესწავლა უფრო საინტერესო და ნაყოფიერი რომ იყოს?

რატომ არის მნიშვნელოვანი: ღვთის სიტყვის კვლევა გვეხმარება, ჩავწვდეთ „რა არის [ჭეშმარიტების] სიგანე, სიგრძე, სიმაღლე და სიღრმე“ (ეფეს. 3:18). პირადი შესწავლა აგრეთვე გვეხმარება, უმწიკვლონი და უმანკონი დავრჩეთ ამ ბოროტ ქვეყნიერებაში და ჩავეჭიდოთ „სიცოცხლის სიტყვას“ (ფილ. 2:15, 16). პირადი შესწავლის დროს შესაძლებლობა გვაქვს, გამოსაკვლევად ისეთი მასალა ავირჩიოთ, რაც პირადად ჩვენ გვჭირდება. რის გაკეთება გვმართებს, რომ შესწავლა რაც შეიძლება შედეგიანი იყოს?

როგორ მოვიქცეთ:

• პირად ბიბლიაში, იქნება ეს ელექტრონული თუ ბეჭდური, მონიშნე მუხლები და გააკეთე ჩანაწერები.

• ბიბლიის კითხვის დროს დასვი ასეთი კითხვები: ვინ? რა? როდის? სად? რატომ? როგორ?

• გაეცანი ფაქტებს. შეგიძლია მოიძიო ინფორმაცია ამა თუ იმ საკითხზე ან კონკრეტული მუხლი გამოიკვლიო. ამისთვის გამოიყენე შენთვის ხელმისაწვდომი საკვლევი საშუალებები.

• დაფიქრდი, პირადად შენ როგორ გეხება წაკითხული.

• ნასწავლი ყოველდღიურ ცხოვრებაში გამოიყენე (ლუკ. 6:47, 48).

უყურე ვიდეორგოლს «„მაგრად ჩაეჭიდეთ ღვთის სიტყვას“ პირადი შესწავლის მეშვეობით» და უპასუხე ქვემოთ მოყვანილ კითხვებს:

• როგორ აღწერს ზოგი და-ძმა პირად შესწავლას?

• რატომ უნდა დავიწყოთ ყოველთვის ლოცვით პირადი შესწავლა?

• რა გვეხმარება, უკეთ გავიგოთ ბიბლიის ესა თუ ის მონაკვეთი?

• როგორი ჩანიშვნების გაკეთება შეგვიძლია შესწავლის დროს ჩვენს ბიბლიაში?

• რატომ არის ფიქრი მნიშვნელოვანი ღვთის სიტყვის შესწავლის დროს?

• რა უნდა გავაკეთოთ, რომ მხოლოდ თეორიული ცოდნა არ მივიღოთ?