მტკიცედ იდექით, რადგან აღსასრული ახლოსაა!

რატომ არის მნიშვნელოვანი: მალე შიშის მომგვრელი მოვლენები განვითარდება. ყველაზე მეტად სწორედ ამ დროს დაგვჭირდება გაბედულების გამოვლენა და იეჰოვაზე მინდობა. დიდი გასაჭირი ცრუ რელიგიის განადგურებით დაიწყება (მათ. 24:21; გამოცხ. 17:16, 17). ამ ურთულეს პერიოდში, როგორც ჩანს, ღვთის განაჩენის შესახებ გავაცხადებთ (გამოცხ. 16:21). ჩვენ თავს დაგვესხმება „გოგი მაგოგის მიწიდან“ (ეზეკ. 38:10—12, 14—16). თავისი ხალხის დასაცავად იეჰოვა ომს გამართავს, რომელსაც „ყოვლისშემძლე ღვთის დიდი დღე“ ეწოდება (გამოცხ. 16:14, 16). ამ მოვლენებს გაბედულად რომ შევხვდეთ, დღესვე უნდა შევინარჩუნოთ ერთგულება და მტკიცედ დავუდგეთ რწმენის გამოცდებს.

რა უნდა გააკეთოთ:

• გაბედულად დაიცავით იეჰოვას მაღალზნეობრივი ნორმები (ეს. 5:20).

• კვლავაც განაგრძეთ თანამორწმუნეებთან ერთად ღვთის თაყვანისცემა (ებრ. 10:24, 25).

• უყოყმანოდ დაემორჩილეთ ღვთის ორგანიზაციისგან მიღებულ მითითებებს (ებრ. 13:17).

• იფიქრეთ, როგორ დაიცვა იეჰოვამ წარსულში თავისი ხალხი (2 პეტ. 2:9).

• ილოცეთ და მიენდეთ იეჰოვას (ფსალმ. 112:7, 8).

უყურე ვიდეორგოლს „მოვლენები, რომლის დროსაც გაბედულება დაგვჭირდება“ (ნაწყვეტი) და უპასუხე შემდეგ კითხვებს:

• 

  როგორ გამოიცადა და-ძმების მორჩილება, როცა კრებები გაერთიანდა?

• 

  რა კავშირია მორჩილებასა და გაბედულებას შორის?

• 

  რატომ დაგვჭირდება გაბედულება არმაგედონის დროს?

• 

  რომელი ბიბლიური მონაკვეთები გვიმტკიცებს რწმენას, რომ იეჰოვას შეუძლია ჩვენი ხსნა? (2 მატ. 20:1—24).