გამოიყენეთ მსახურებაში ახალი სახელმძღვანელო

გვახარებს, რომ ბიბლიის შესწავლების ჩასატარებლად გვაქვს ახალი ბროშურა და წიგნი „იხარეთ ცხოვრებით მარადიულად!“. ვლოცულობთ, რომ იეჰოვამ აკურთხოს ჩვენი ძალისხმევა, რათა რაც შეიძლება მეტი ადამიანი მოვამზადოთ ქრისტეს მოწაფედ (მათ. 28:18—20; 1 კორ. 3:6—9). როგორ გამოვიყენოთ სწავლებაში დამხმარე ეს ახალი საშუალებები?

ვინაიდან ახალი ბროშურა და წიგნი ინტერაქტიული ხასიათისაა და სწავლების ახლებურ მეთოდებს გვთავაზობს, მომზადებისას და ბიბლიის შესწავლის ჩატარებისასa მიჰყევით ქვემოთ მოცემულ მითითებებს:

• წაიკითხეთ მასალა და იმსჯელეთ კითხვებზე.

• წაიკითხეთ ბიბლიური მუხლები, რომლებთანაც მოცემულია მითითება „წაიკითხეთ“ და დაანახვეთ შემსწავლელს ამ მუხლების პრაქტიკული ღირებულება.

• უყურეთ ვიდეორგოლს და იმსჯელეთ დართულ კითხვებზე.

• ეცადეთ, თითო შეხვედრაზე თითო გაკვეთილი განიხილოთ.

მსახურებაში თავდაპირველად ბროშურა გამოიყენეთ, რათა განსაზღვროთ, აინტერესებს თუ არა მსმენელს ბიბლიური ჭეშმარიტება (იხილეთ ჩარჩო «როგორ შევთავაზოთ პირველი საუბრისას ბროშურა „იხარეთ ცხოვრებით მარადიულად!“»). თუ შემსწავლელმა დაამთავრა ბროშურა და სურს შესწავლის გაგრძელება, შესთავაზეთ წიგნზე გადასვლა. თანხმობის შემთხვევაში შესწავლა დაიწყეთ წიგნის მე-4 თავიდან. თუ უკვე ატარებთ შესწავლას რომელიმე სასწავლო სახელმძღვანელოთი, ჩაანაცვლეთ ის ახალი წიგნით „იხარეთ ცხოვრებით მარადიულად!“. თავად განსაზღვრეთ, რომელი თავიდან გააგრძელებთ შესწავლას.

უყურეთ ვიდეორგოლს „ბიბლიის სასწავლო კურსის მიმოხილვა“, და უპასუხეთ შემდეგ კითხვებს:

• რას ისწავლიან ბიბლიის შემსწავლელები ახალი წიგნიდან?

• რატომ უნდა აჩვენოთ ეს ვიდეო ბიბლიის ახალ შემსწავლელს?

• რა მიზნების დასახვასა და მიღწევაში უნდა დაეხმაროთ ბიბლიის შემსწავლელს? (იხილეთ ცხრილი „თითოეული ნაწილის თემა და მიზანი“).