ᲥᲠᲘᲡᲢᲘᲐᲜᲣᲚᲘ ᲪᲮᲝᲕᲠᲔᲑᲐ

დაეხმარეთ არარელიგიურ ადამიანებს შემოქმედის გაცნობაში

შეგიკავებიათ თავი არარელიგიურ ადამიანთან საუბრისგან იმის გამო, რომ, თქვენი აზრით, მაინც არ მოისმენდა? თუ ასეა, გახსოვდეთ, რომ იეჰოვას მოწმეებს შორის ბევრია ისეთი, ვინც ერთ დროს არარელიგიური ან ათეისტი იყო. ზოგ მათგანს სულ პატარა ბიძგი დასჭირდა, რომ ღვთის არსებობაში დარწმუნებულიყო (რომ. 1:20; 10:14).

ᲣᲧᲣᲠᲔᲗ ᲕᲘᲓᲔᲝᲠᲒᲝᲚᲡ „ᲒᲐᲮᲡᲝᲕᲓᲔᲗ, ᲣᲠᲬᲛᲣᲜᲝᲔᲑᲛᲐᲪ ᲨᲔᲘᲫᲚᲔᲑᲐ ᲘᲠᲬᲛᲣᲜᲝᲜ! — ᲐᲠᲐᲠᲔᲚᲘᲒᲘᲣᲠᲘ ᲐᲓᲐᲛᲘᲐᲜᲔᲑᲘ“, ᲓᲐ ᲣᲞᲐᲡᲣᲮᲔᲗ ᲨᲔᲛᲓᲔᲒ ᲙᲘᲗᲮᲕᲐᲡ:

როგორ გეხმარებათ ტომასოს შემთხვევა, ხელი არ ჩაიქნიოთ არარელიგიურ ადამიანთან საუბარზე?

პასუხი:

რა უნდა გააკეთოთ

თუ ვინმე ამბობს, რომ არ სწამს ღმერთი, იყავით თავაზიანი და ტაქტიანი; გულწრფელად დაინტერესდით, რამ ჩამოუყალიბა ასეთი შეხედულება (2 ტიმ. 2:24). ისეთი საკითხი შეარჩიეთ, რაც მას დააინტერესებს. თუ მზად არის იმ მტკიცებულებების მოსასმენად, რაც შემოქმედის არსებობას ადასტურებს, გამოიყენეთ ამ მიზნისთვის შექმნილი ვიდეოები თუ პუბლიკაციები; მაგალითად ბროშურები „თავისით გაჩნდა სიცოცხლე?“ ან „სიცოცხლის წარმოშობა — ხუთი კითხვა, რომელზეც ღირს დაფიქრება“. ეს ბროშურები დაემატა „სწავლებაში დამხმარე საშუალებებში“, რათა ადვილად შეძლოთ მათი პოვნა.

თუ გიჭირთ არარელიგიურ ადამიანთან ღმერთზე საუბარი, დახმარება გამოცდილ მაუწყებელს სთხოვეთ. გახსოვდეთ, თავად იეჰოვა გვეხმარება, მარადიული სიცოცხლის მისაღებად განწყობილი ადამიანების გულებამდე მივიტანოთ ჭეშმარიტება. მათ შორის არიან ისინიც, ვისაც ჯერ არ სწამს მისი არსებობა! (საქ. 13:48).