იდეები კვლევისთვის

უკეთ გაიცანით იეჰოვა

ბიბლიის კითხვისას შეგვიძლია არაერთი საკვლევი საშუალება გამოვიყენოთ, რათა უკეთ ჩავწვდეთ წაკითხულს. თუმცა კარგი იქნება, მხოლოდ ფაქტობრივი ინფორმაციით არ დავკმაყოფილდეთ. ჩვენი მიზანი იეჰოვას უკეთ გაცნობა და მისადმი სიყვარულის გაღრმავება უნდა იყოს. ამიტომ კითხვისას ყოველთვის უნდა დავფიქრდეთ, რას ვიგებთ იეჰოვას შესახებ.

მაგალითად, უნდა დავუკვირდეთ, როგორ ჩანს წაკითხული მონაკვეთიდან იეჰოვას სიყვარული, სიბრძნე, სამართლიანობა და ძალა. რა თქმა უნდა, იეჰოვას სხვა ძვირფასი თვისებებიც აქვს. სად შეგვიძლია მათ შესახებ მეტი ინფორმაციის მოძიება?

კარგი იქნება, უფრო ღრმად გამოვიკვლიოთ ის თვისება, რომელსაც წაკითხული მონაკვეთიდან დავინახავთ. ამისთვის „საგუშაგო კოშკის პუბლიკაციების საძიებელში“ უნდა მოვძებნოთ სათაური „იეჰოვა“, შემდეგ კი ქვესათაური „ცალკეული თვისებები“, სადაც იეჰოვას 50-მდე თვისების ჩამონათვალია მოცემული (თუ „იეჰოვას მოწმეების საკვლევი სახელმძღვანელოთი“ სარგებლობთ, მაშინ აირჩიეთ თემა „იეჰოვა ღმერთი“ და მოძებნეთ ქვესათაური „იეჰოვას თვისებები“).