როგორ შეგიძლიათ დღესვე იგრძნოთ შინაგანი სიმშვიდე?
„სანამ ბიბლიის შესწავლას დავიწყებდი, ვერ ვხვდებოდი, რატომ იყვნენ ადამიანები ასეთი სასტიკები და რატომ ხდებოდა ამდენი უსამართლობა და უბედურება. თუმცა ახლა შინაგან სიმშვიდეს ვგრძნობ. დარწმუნებული ვარ, რომ ჩვენი ღმერთი, იეჰოვა, დედამიწაზე უსაფრთხო გარემოს შექმნის“, – ამბობს გარი, რომელიც ადრე შეიარაღებულ ძალებში მსახურობდა.
გარის მსგავსად ბიბლია სხვა არაერთ ადამიანს დაეხმარა, რომ შინაგანი სიმშვიდე ეპოვა. ვნახოთ რამდენიმე შემთხვევა.
ᲑᲘᲑᲚᲘᲐᲨᲘ ᲜᲐᲗᲥᲕᲐᲛᲘᲐ: „იეჰოვა, შენ კარგი ხარ და ყოველთვის მზად ხარ პატიებისთვის“ (ფსალმუნი 86:5).
ᲨᲔᲛᲗᲮᲕᲔᲕᲐ: „ეს სიტყვები მარწმუნებს, რომ იეჰოვა გულმოწყალე ღმერთია. მჯერა, მას იმის სურვილიც აქვს, რომ მაპატიოს ის ყველაფერი, რაც ომში გამიკეთებია“ (ვილმარი, კოლომბია).
ᲑᲘᲑᲚᲘᲐᲨᲘ ᲜᲐᲗᲥᲕᲐᲛᲘᲐ: „ვქმნი ახალ ცასა და ახალ დედამიწას; წინათ მომხდარი აღარავის გაახსენდება და გულსაც არავის დაუმძიმებს“ (ესაია 65:17).
ᲨᲔᲛᲗᲮᲕᲔᲕᲐ: „როცა სამხედრო ვიყავი, ისეთი საშინელებები ვნახე, რომ დღემდე პოსტტრავმული სტრესული აშლილობით და დეპრესიით ვიტანჯები. ეს მუხლი მარწმუნებს, რომ იეჰოვა ყველა მტანჯველ ფიქრს მომაშორებს და ღამის კოშმარებიც მეტად აღარ შემაწუხებს. ვთვლი, რომ ეს ღვთისგან უდიდესი საჩუქარია“ (ზაფირა, შეერთებული შტატები).
ᲑᲘᲑᲚᲘᲐᲨᲘ ᲜᲐᲗᲥᲕᲐᲛᲘᲐ: „მის დროს გაიხარებს მართალი და იმეფებს მშვიდობა, ვიდრე მთვარე არსებობს“ (ფსალმუნი 72:7).
ᲨᲔᲛᲗᲮᲕᲔᲕᲐ: „ამ სიტყვებს ხშირად ვიხსენებ. მალე ომი და ყველა ის საშინელება, რაც ომს მოჰყვება, აღარავის გაახსენდება. იმის აღარასოდეს შეგვეშინდება, რომ ჩვენთვის საყვარელი ადამიანების სიცოცხლეს საფრთხე დაემუქრება“ (ოლექსანდრა, უკრაინა).
ᲑᲘᲑᲚᲘᲐᲨᲘ ᲜᲐᲗᲥᲕᲐᲛᲘᲐ: „გაცოცხლდებიან შენი მკვდრები. . . გაიღვიძეთ და სიხარულით შესძახეთ, მტვერში დამკვიდრებულებო!“ (ესაია 26:19).
ᲨᲔᲛᲗᲮᲕᲔᲕᲐ: „ტუტსი ხალხის გენოციდის დროს თითქმის მთელი ჩემი ოჯახი ამოხოცეს. ამ ბიბლიურმა მუხლმა დამარწმუნა, რომ მათ ისევ შევხვდები. ერთი სული მაქვს, როდის ვნახავ მათ ბედნიერ სახეებს“ (მარია, რუანდა).
ᲑᲘᲑᲚᲘᲐᲨᲘ ᲜᲐᲗᲥᲕᲐᲛᲘᲐ: „ცოტაც და აღარ იქნება ბოროტი. . . თვინიერნი დაიმკვიდრებენ დედამიწას და გაიხარებენ დიდი მშვიდობით“ (ფსალმუნი 37:10, 11).
ᲨᲔᲛᲗᲮᲕᲔᲕᲐ: „ომი კი დასრულდა, მაგრამ ბოროტების და უსამართლობის მოწმე ისევ ვხდები ხოლმე. ეს მუხლები განსაკუთრებით მიყვარს. იეჰოვა ყველაფერს ხედავს, იმასაც, მე რა მიჭირს. ის გვპირდება, რომ მალე ეს ყველაფერი, ერთხელ და სამუდამოდ, დასრულდება და ცუდი მოგონებები აღარასდროს შეგვაწუხებს“ (დალერი, ტაჯიკეთი).
მათ მსგავსად ბიბლია მილიონობით სხვა იეჰოვას მოწმესაც ეხმარება, რომ შინაგანი სიმშვიდე ჰქონდეთ. ბიბლიის დახმარებით ამ ადამიანებმა გადალახეს რასობრივი, ეთნიკური, ეროვნული თუ სხვა მიზეზებით გამოწვეული სიძულვილი (ეფესოელები 4:31, 32). იეჰოვას მოწმეები არ ერევიან პოლიტიკაში და არც კონფლიქტებსა თუ ომებში ერთვებიან (იოანე 18:36).
იეჰოვას მოწმეები მსოფლიოს სხვადასხვა კუთხეში მცხოვრები თანაქრისტიანებისგანაც იღებენ მხარდაჭერას (იოანე 13:35). მაგალითად, ზემოთ მოხსენიებულ ოლექსანდრას ომის გამო თავის დასთან ერთად ქვეყნიდან გაქცევა მოუწია. აი, რას იხსენებს ის: „საზღვარი რომ გადავკვეთეთ, მაშინვე დავინახეთ ჩვენ დასახვედრად შეკრებილი იქაური იეჰოვას მოწმეები. ისინი სულ გვერდში გვედგნენ და ამან ძალიან გაგვიადვილდა უცხო ქვეყანაში ცხოვრება“.
გულთბილად გეპატიჟებით ჩვენს შეხვედრებზე, სადაც ერთად ვმსჯელობთ ბიბლიურ საკითხებზე. ეს გვეხმარება, დღესვე გავხდეთ უფრო მშვიდობიანები და იმის საფუძვლიანი იმედი გვქონდეს, რომ ღმერთი მთელ მსოფლიოში მშვიდობას დაამყარებს. ჩვენს ვებსაიტზე jw.org შეგიძლიათ ნახოთ, სად ტარდება ასეთი შეხვედრები თქვენთან ახლოს ან მოითხოვოთ ბიბლიის უფასო სასწავლო კურსი, რომელსაც იეჰოვას მოწმეები ატარებენ სახელმძღვანელოთი „იხარეთ ცხოვრებით მარადიულად!“