რა დაგეხმარებათ, ბიბლია ყოველდღიურად იკითხოთ

დღის განმავლობაში იმდენი რამ გვაქვს მოსასწრები, ზოგჯერ გვიჭირს, ბიბლიის კითხვის განრიგს მივყვეთ (იეს. 1:8). ქვემოთ მოცემული რჩევები კარგ დახმარებას გაგვიწევს:

• ისარგებლეთ შეხსენების ფუნქციით. ელექტრონულ მოწყობილობაში დააყენეთ კონკრეტული დრო, რომ ბიბლიის კითხვა შეგახსენოთ.

• ბიბლია თვალშისაცემ ადგილას დადეთ. თუ ბიბლიის ბეჭდური გამოცემით სარგებლობთ, ისეთ ადგილას დადეთ, რომ თვალში ადვილად მოგხვდეთ (კან. 11:18).

• მოუსმინეთ აუდიოჩანაწერებს. ყოველდღიური საქმეების კეთებისას, მაგალითად, როცა საოჯახო საქმეებით ხართ დაკავებული, შეგიძლიათ ბიბლიის აუდიოჩანაწერებს მოუსმინოთ. სამი შვილის დედა ტარა, რომელიც პიონერად მსახურობს და თან ღამის ცვლაში მუშაობს, ამბობს: „ზოგჯერ ბიბლიას მაშინ ვუსმენ, როცა სახლის საქმეებს ვაკეთებ. ეს ბიბლიის კითხვის განრიგის მიყოლას მიადვილებს“.

• არ დანებდეთ. თუ გაუთვალისწინებელი შემთხვევების გამო ბიბლიის კითხვა გივარდებათ, შეეცადეთ, დაძინებამდე თუნდაც რამდენიმე მუხლი წაიკითხოთ. ეს თავის შედეგს აუცილებლად გამოიღებს (1 პეტ. 2:2).