იეჰოვას მოწმეების საქმიანობა დღეს

ნორვეგია.

წარმოიდგინეთ სასიხარულო ცნობის ქადაგება ფიორდების, მთების, ყინულის, თოვლისა და ჩრდილოეთის ირმების ქვეყანაში — იქ, სადაც ზამთრის ცაზე ჩრდილოეთის ციალი ელვარებს. ნორვეგია სწორედ რომ ასეთი ქვეყანაა. წაიკითხეთ ჩვენი ძმების შესახებ, რომლებიც ნავებითა და თხილამურებით მიდიოდნენ დაშორებულ ტერიტორიებზე საქადაგებლად, აგრეთვე იმ ძმის შესახებ, რომელიც კრების შეხვედრებზე ფეხშიშველი დადიოდა. გაიგეთ, როგორ გამოავლინეს ნაცისტური ოკუპაციის დროს ქრისტიანებმა რწმენა და სიმამაცე.

რუანდა.

თავგანწირული სიყვარული, რომლითაც, იესოს სიტყვების თანახმად, ამოიცნობოდნენ მისი მოწაფეები, ნათლად ჩანს ამ აფრიკული ქვეყნის ისტორიიდან. ეთნიკური დაპირისპირების დროს, რომელმაც წარმოშვა შემაძრწუნებელი გენოციდი, იეჰოვას ხალხი სიცოცხლეს საფრთხეში იგდებდა და ერთმანეთისთვის ზოგჯერ თავსაც სწირავდა. თქვენ წაიკითხავთ დევნის, აკრძალვის, გასაჭირის, განსაცდელისა და ტერორის დროს გამოვლენილი ამტანობისა და ერთგულების დაუვიწყარ ისტორიას.