გასული წლის ღირსშესანიშნავი მოვლენები
უორიკში საქმე სწრაფად მიიწევს წინ
უორიკის (ნიუ-იორკი) სამშენებლო უბანზე, სადაც იეჰოვას მოწმეების მსოფლიო მთავარი სამმართველო უნდა განთავსდეს, დიდი სიხარული, ამაღლებული განწყობა და გაცხოველებული მუშაობაა. ასობით და-ძმამ ამ პროექტში მონაწილეობის მისაღებად უდიდესი მსხვერპლი გაიღო. ბევრი ამ საქმისადმი თავის დამოკიდებულებას ასე გამოხატავს: „აქ მუშაობას ვერაფერი შეედრება. მას არაფერზე გავცვლიდით“. ვნახოთ, რა ხდება უორიკში.