ვის უნდა ვენდოთ? – ⁠რას ამბობს ბიბლია?

როცა ხალხი ხედავს, რომ ისინი ვისაც ენდობოდნენ, სინამდვილეში არ იმსახურებენ მათ ნდობას, იმედგაცრუება ეუფლებათ. სწორედ ამ მიზეზის გამო დაკარგა ბევრმა ნდობა . . .

• პოლიტიკური ლიდერების მიმართ, რადგან ხშირ შემთხვევაში, ისინი საკუთარ თავზე უფრო ფიქრობენ, ვიდრე ხალხის კეთილდღეობაზე.

• მედია საშუალებების მიმართ, რადგან ისინი ფაქტებს ამახინჯებენ და ინფორმაციას არაობიექტურად გადმოსცემენ.

• მეცნიერების მიმართ, რადგან ზოგი მეცნიერი საზოგადოების ინტერესების საწინააღმდეგოდ მოქმედებს.

• რელიგიური წინამძღოლების მიმართ, რადგან ნაცვლად იმისა, რომ ღვთის ინტერესები დაიცვან, პოლიტიკოსების ინტერესებს უფრო იცავენ.

ამ ყველაფრის ფონზე გასაკვირი არაა, რატომ ფრთხილობს ზოგი, სანამ ვინმეს ენდობა. ბიბლიაში ასეთ გაფრთხილებას ვკითხულობთ:

• „იმედს ნუ დაამყარებთ მმართველებზე, ნურც სხვა ადამიანებზე, რომელთაც არ შეუძლიათ ხსნა“ (ფსალმუნი 146:3).

ის, ვინც თქვენს ნდობას იმსახურებს

 ის, ვინც ყველას ნდობას იმსახურებს იესო ქრისტეა. როგორც ბიბლიიდან ვიგებთ, იესო ღვთის მიერ დანიშნული მეფეა და არა უბრალოდ კარგი ადამიანი, რომელიც საუკუნეების წინათ ცხოვრობდა. მასზე ნათქვამია: „მარადიულად იმეფებს იგი. . . მისი სამეფო სამარადისოდ იარსებებს“ (ლუკა 1:32, 33). იესო ღვთის სამეფოს ანუ ზეციერი ხელისუფლების მეფეა, რომელიც უკვე მმართველობს (მათე 6:10).

• დამატებითი ინფორმაციისთვის წაიკითხეთ სტატიები: „ვინ არის ღვთის სამეფოს მეფე?“ და „რას გააკეთებს ღვთის სამეფო?“