ხალხი პოლიტიკოსების მიმართ ნდობას კარგავს — რას ამბობს ბიბლია?

2024 წელს მსოფლიოში იმდენი არჩევნების ჩატარება იგეგმება, რამდენიც ერთი წლის მანძილზე აქამდე არასდროს ჩატარებულა. როგორია ამ ყველაფრის ფონზე ხალხის განწყობა? ბევრი ადამიანი დღითი დღე უფრო კარგავს პოლიტიკოსებისადმი ნდობას.

• ამერიკაში გამოკითხულთა უმრავლესობამ აღნიშნა, რომ პოლიტიკოსების დიდ ნაწილს ხალხზე ზრუნვის ნაცვლად პირადი ინტერესები ამოძრავებსa (Pew Research Center, 19 სექტემბერი, 2023).

დღეს ახალგაზრდებიც ნაკლებად ენდობიან პოლიტიკოსებს.

• „მოზარდებს სურთ, გადაიჭრას მნიშვნელოვანი პრობლემები, თუმცა, გამოკითხვები აჩვენებს, რომ მათი აზრით, პოლიტიკოსებს არ სურთ პრობლემების გადაჭრა“ („ნიუ–იორკ ტაიმზი“, 29 იანვარი, 2024).

• „გამოკითხვის თანახმად, ახალგაზრდები იუთუბერებს უფრო მეტად ენდობიან, ვიდრე პოლიტიკოსებს“ („კორეა ტაიმზი“, 22 იანვარი, 2024).

შეუძლიათ პოლიტიკოსებს, შეგვიქმნან უკეთესი მომავალი? ვის შეგვიძლია ვენდოთ?

დაფიქრდით, ვის ენდობით

ბუნებრივია, რომ ყველა ადამიანს ადვილად არ უნდა ვენდოთ და ეს სწორიცაა. ბიბლიაც ამბობს, რომ „გულუბრყვილოს ყველა სიტყვისა სჯერა, წინდახედული კი აკვირდება თავის ნაბიჯებს“ (იგავები 14:15).

• წაიკითხეთ სტატია „თავი დაიცავით დეზინფორმაციისგან“ და გაიგეთ, როგორ შეგიძლიათ გაარჩიოთ ცრუ ინფორმაცია ნამდვილისგან.

გარდა ამისა, თუნდაც იყვნენ ისეთი პოლიტიკოსები, რომლებსაც გულწრფელად სურთ გადაჭრან ადამიანების პრობლემები, ისინი შეზღუდულები არიან. ბიბლია გვაფრთხილებს:

• „იმედს ნუ დაამყარებთ მმართველებზე, ნურც სხვა ადამიანებზე, რომელთაც არ შეუძლიათ ხსნა“ (ფსალმუნი 146:3).

მმართველი, რომელსაც შეგიძლიათ ენდოთ

ბიბლიიდან ვიგებთ, რომ ღმერთმა იესო ქრისტე აირჩია მმართველად. მას შეუძლია, მოაგვაროს ყველა პრობლემა და გაამართლოს ჩვენი ნდობა (ლუკა 1:32, 33). იესო ღვთის სამეფოს მეფეა და ზეციდან მმართველობს (მათე 6:10).

• წაიკითხეთ სტატიები „ვინ არის ღვთის სამეფოს მეფე?“ და „რას გააკეთებს ღვთის სამეფო?“ და გაიგეთ, რატომ შეგიძლიათ ენდოთ იესოს და როგორ გადაჭრის ის ადამიანების პრობლემებს.