8. რა პასუხისმგებლობა აკისრიათ მშობლებს მათ სახლში მცხოვრებ გარიცხულ არასრულწლოვან შვილთან დაკავშირებით?

⁸ არასრულწლოვანი შვილის გარიცხვის შემთხვევაში, მშობლებს არ ეხსნებათ მისი აღზრდის ვალდებულება. 1988 წლის 15 ნოემბრის „საგუშაგო კოშკში“ (ინგლ.) ვკითხულობთ: „მშობლებმა კვლავაც უნდა განაგრძონ შვილის უზრუნველყოფა საკვებით, ჩასაცმლითა და ბინით. მათ მართებთ აღზარდონ და დასაჯონ კიდეც ისინი ისე, როგორც ამას ღვთის სიტყვა მოითხოვს (იგავ. 6:20—22; 29:17). ამიტომ, მოსიყვარულე მშობლებმა უნდა ჩაატარონ შვილთან ერთად ბიბლიის საშინაო შესწავლა, თუნდაც ის გარიცხული იყოს. შესაძლოა, მან უფრო მეტი სარგებლობა მიიღოს, თუ შესწავლა მხოლოდ მას უტარდება. თუმცა, მშობლებმა შეიძლება გადაწყვიტონ, რომ გარიცხულმა ყველასთან ერთად მიიღოს ოჯახურ შესწავლაში მონაწილეობა“ (იხილეთ აგრეთვე 2001 წლის 1 ოქტომბრის „საგუშაგო კოშკი“, გვერდები 16, 17).

¹¹ რაც შეეხება შვილებს, იმავე სტატიაში ვკითხულობთ: «ზოგ შემთხვევაში ქრისტიანი მშობლები გარკვეული დროით ღებულობენ გარიცხულ შვილს, რომელსაც ფიზიკური ან ნერვული დაავადება სჭირს. მაგრამ, მშობლებმა ყოველთვის უნდა აწონ-დაწონონ მისი მდგომარეობა. გარიცხულ შვილს აღარ შეუძლია დამოუკიდებლად ცხოვრება? თუ მას უმთავრესად იოლი ცხოვრების გამო სურს დაბრუნება? რა შეიძლება ითქვას მისი ზნეობისა და გონება-განწყობილების შესახებ? „საფუარს“ ხომ არ შემოიტანდა ოჯახში? (გალ. 5:9)».