ინტერესის აღმძვრელი პასუხი

ბრიტანეთის კათოლიკური ეკლესიის გაზეთში (Catholic Herald) უელსელი მკითხველის შემდეგი წერილი გამოქვეყნდა: «ერთ საღამოს იეჰოვას ორი მოწმე მოადგა ჩემს კარს. ვუთხარი, რომ კათოლიკურმა ეკლესიამ დაიცვა იმ ახალი აღთქმის სიზუსტე, რომლიდანაც ისინი ციტირებდნენ. ჩემდა გასაკვირად, ერთ-ერთი მათგანი დამეთანხმა. „დიახ, — თქვა მან, — თქვენ იცავთ მას, მაგრამ არ მიჰყვებით. იესომ თქვა: გიყვარდეთ ერთმანეთი, როგორც მე შეგიყვარეთ თქვენ — თქვენ კი ერთმანეთს ხოცავთ. ბოლო მსოფლიო ომში კათოლიკეები კლავდნენ კათოლიკეებს და არა იეჰოვას მოწმეები — იეჰოვას მოწმეებს“. არაფერი მქონდა სათქმელი. როგორ შეგვიძლია ვილოცოთ სხვა რელიგიებთან ერთიანობაზე, როდესაც ჩვენ შორის არაა ნამდვილი ერთიანობა? განა ჯერ ჩვენი სამარცხვინო საქმეები არ უნდა გამოვასწოროთ?» (იოანე 15:12).

მე-20 საუკუნეში ორივე მსოფლიო ომი ქრისტიანულ სამყაროში დაიწყო და 50–დან 60 მილიონამდე სიცოცხლე შეიწირა. მაგრამ სამართლიანად შეიძლება ითქვას, რომ იეჰოვას მოწმეები არ იღებდნენ ამ ომებში მონაწილეობას, და არც დღევანდელ კონფლიქტებში მონაწილეობენ. როგორაა ეს შესაძლებელი? სასარგებლო იქნებოდა, უფრო მეტი გაგეგოთ ქრისტიანული სიყვარულის კვანძებისა და ერთიანობის შესახებ, რომელიც იეჰოვას ხუთ მილიონზე მეტ მოწმეს აქვს მთელ დედამიწაზე (შეადარე ესაია 2:4).

[საავტორო უფლება 32 გვერდზე]

U.S. National Archives photo