ცვლილება პიონერებისთვის საათების რაოდენობის მოთხოვნაში
1 კრების ყველა წევრი აფასებს მძიმედ მშრომელ დამხმარე პიონერებსა და პიონერებს. ისეთ ადგილებშიც სადაც ტერიტორია მცირეა და არაერთხელაა დამუშავებული, პიონერები შესანიშნავ მაგალითს იძლევიან სამეფო მსახურებაში გულმოდგინე მონაწილეობით. ისინი მაუწყებლებს ამხნევებენ, რომ დაკავებული იყვნენ ‘განწესებულების’ ძებნის საქმეში (საქ. 13:48).
2 საზოგადოებამ შენიშნა, რომ პიონერები დიდ სირთულეებს აწყდებიან, განსაკუთრებით კი ნახევარგანაკვეთიანი სამსახურის ძებნაში, რათა პირადი მოთხოვნილებებიც დაიკმაყოფილონ და, ამავე დროს, სრული დროით მსახურება გააგრძელონ. ახლანდელმა ეკონომიკურმა სიტუაციამ მრავალ ქვეყანაში გაართულა პიონერული მსახურების დაწყება, მიუხედავად იმისა, რომ ეს ბევრის ოცნებაა. გასულ თვეებში ეს და კიდევ სხვა საკითხები გულდასმით იქნა განხილული.
3 ზემოხსენებულის გათვალისწინებით, საზოგადოებამ შეამცირა საათების რაოდენობის მოთხოვნა როგორც პიონერებისთვის, ასევე დამხმარე პიონერებისთვის. 1999 კალენდარული წლიდან პიონერებმა ყოველთვიურად უნდა იქადაგონ 70 საათი, ან წლიურად 840 საათი. დამხმარე პიონერებმა ყოველთვიურად უნდა იქადაგონ 50 საათი. სპეციალური პიონერებისა და მისიონერებისთვის საათების რაოდენობის მოთხოვნა უცვლელი რჩება, რადგან მათ საზოგადოება ეხმარება ძირითადი მატერიალური მოთხოვნილებების დაკმაყოფილებაში. ამგვარად, მათ უფრო სრულად შეუძლიათ კონცენტრირების მოხდენა სამქადაგებლო და მოწაფეების მომზადების საქმეზე.
4 ვიმედოვნებთ, რომ ეს ცვლილება საათების რაოდენობის მოთხოვნაში მრავალ პიონერს დაეხმარება, გააგრძელონ ეს ძვირფასი მსახურება. ეს აგრეთვე მრავალს მისცემს შესაძლებლობას დაიწყოს დამხმარე და სრული დროით პიონერობა. რა დიდებული კურთხევა იქნება ეს კრებაში თითოეულისთვის!