როგორ მივიღოთ მეტი სიხარული შეხვედრებიდან
1 ჩვენი სულიერი კეთილდღეობისთვის შეხვედრები ძალიან მნიშვნელოვანია. ამ დროს სიხარულის მიღება უშუალოდ არის დაკავშირებული იმასთან, რასაც ვაკეთებთ შეხვედრებამდე, შეხვედრებზე და შეხვედრების შემდეგ. როგორ შეგვიძლია დავეხმაროთ საკუთარ თავს და სხვებს, რომ შეხვედრებზე დასწრებით რაც შეიძლება მეტი სიხარული მივიღოთ?
2 შეხვედრებამდე. მომზადება დიდ გავლენას ახდენს იმაზე, მოგვანიჭებს თუ არა შეხვედრები სიხარულს. როცა კარგად ვართ მომზადებული, უფრო მოწადინებული ვართ, რომ ყურადღებით ვიყოთ და მონაწილეობა მივიღოთ. გარდა ამისა, ნებისმიერი დავალება, რომელიც შეხვედრაზე წარმოსადგენად გვეძლევა, ზედმიწევნით უნდა მოვამზადოთ და გავითვალისწინოთ ჩვენთვის მოცემული რჩევები, რათა ინფორმაცია ზუსტად გადავცეთ და მსმენელების ყურადღება მივიზიდოთ. დავალება გულდასმით უნდა ვიმეოროთ. როცა წვლილი შეგვაქვს ცოცხალ და აღმშენებლობით შეხვედრებში, რომლებიც თითოეულისთვის სასარგებლოა, ჩვენი პირადი წარმატება შესამჩნევი ხდება და მეტ სიხარულს ვღებულობთ (1 ტიმ. 4:15, 16).
3 შეხვედრებზე. შეხვედრებზე კომენტარების მიცემა მეტ სიხარულს მოგვიტანს. პუნქტი, რომელშიც მსმენელების მონაწილეობა მოითხოვება, კრების თითოეული წევრის დავალებად უნდა მივიჩნიოთ. მოკლე და კონკრეტული კომენტარები, ჩვეულებრივ, ყველაზე მეტად ფასობს. მოკლედ მოყოლილი აღმშენებლობითი შემთხვევები ძალიან გამამხნევებელი და გამომაცოცხლებელია, ამიტომ მზად უნდა ვიყოთ მათ მოსაყოლად, როცა კი პროგრამა ამის საშუალებას იძლევა (იგავ. 15:23; საქ. 15:3). შეხვედრაზე დავალებით გამოსვლისას ენთუზიაზმით და დამაჯერებლად უნდა ვილაპარაკოთ, რაც ჩვენს პუნქტს საინტერესოს, რეალისტურსა და პრაქტიკულს გახდის.
4 შეხვედრების შემდეგ. გულწრფელი სიტყვები, გულთბილი მისალმება და შეხვედრებზე განხილული რამდენიმე მთავარი აზრის სხვებისთვის გაზიარება ყველასთვის სასარგებლო იქნება. სიხარულის გამოხატვა, როცა ახალგაზრდები, ხანდაზმულები და ახლები მონაწილეობას იღებენ, საძმოს სიყვარულს აღრმავებს. ნაცვლად იმისა, რომ გავაკრიტიკოთ ისინი, ვინც შეიძლება შეხვედრებს აცდენს, შეხვედრებზე მიღებული სიხარული უნდა გავუზიაროთ მათ, რითაც დასწრებისკენ წავახალისებთ (ებრ. 10:24, 25).
5 მოდი ნუ უგულებელვყოფთ ამ მნიშვნელოვან შესაძლებლობას — გავამხნეოთ ერთიმეორე (რომ. 1:11, 12, აქ). თუ ყველა ღონეს ვიხმართ კეთილსინდისიერად და გულმოდგინედ, სიხარულს შევინარჩუნებთ ქრისტიანულ შეხვედრებზე დასასწრებად.