სამსახურებრივი შეხვედრები ოქტომბერში
4 ოქტომბრით დაწყებული კვირა
სიმღერა №46
10 წთ.: ადგილობრივი განცხადებები. შერჩეული განცხადებები „ჩვენი სამეფო მსახურებიდან“.
17 წთ.: „ღვთის წინასწარმეტყველური სიტყვა მთლიანად შესრულდება!“. შესავალ სიტყვებს ერთ წუთზე ნაკლები დაუთმე და კითხვა-პასუხებით განხილვაზე გადადი. მოიყვანე რამდენიმე აზრი ახალი წიგნიდან, რომლებიც ხაზს უსვამს, რამდენად მნიშვნელოვან დროში ვცხოვრობთ.
18 წთ.: ნუ დაგავიწყდება ჟურნალები! მოიყვანე კრების მიერ გასულ თვეში გავრცელებული ჟურნალების უმაღლესი რიცხვი და შეადარე საზოგადოებისგან მიღებული ჟურნალების რიცხვს. რა უნდა გაკეთდეს, თუ ამ რიცხვებს შორის სხვაობა დიდია? სთხოვე მსმენელებს, კომენტარები გაუკეთონ შემდეგს: 1) თითოეულმა მაუწყებელმა უნდა შეუკვეთოს საკმარისი, მაგრამ მართებული რაოდენობა. 2) ყოველი შაბათი დღე ჟურნალებით მსახურებას დაუთმე. 3) პირად სამსახურებრივ განრიგში დრო გამოუყავი ყოველთვიურად გარკვეული რაოდენობის ჟურნალების გავრცელებას. 4) დაგეგმე მეტი არაფორმალური ქადაგება ჟურნალების გამოყენებით. 5) შეარჩიე სტატიები, რომლებითაც მეტი ალბათობაა, რომ საქმოსანი და სხვადასხვა პროფესიის ადამიანები დაინტერესდებიან. 6) ზუსტად ჩაიწერე, სად გაავრცელე ჟურნალები, და რეგულარულად აკეთე განმეორებითი მონახულებები ახალი ნომრებით, რითაც საფუძველს ჩაუყრი ჟურნალების დატარების მარშრუტს. 7) დაგროვების თავიდან ასაცილებლად გაავრცელე ჟურნალების ძველი ნომრები. აღნიშნე, მიმდინარე ჟურნალებიდან რომელი სტატიებით უფრო შეიძლება ინტერესის აღძვრა. კრების სრულასაკოვან წევრს და მოზარდს ცალ-ცალკე გააკეთებინე ჟურნალის მოკლე შეთავაზების ინსცენირება (იხილე 1995 წლის სექტემბრის „ჩვენი სამეფო მსახურების“ დანართი [რუს.]).
სიმღერა №82 და ლოცვა
11 ოქტომბრით დაწყებული კვირა
სიმღერა №117
10 წთ.: ადგილობრივი განცხადებები. საფინანსო ანგარიში.
15 წთ.: ადგილობრივი მოთხოვნილებები.
20 წთ.: „როგორ მივიღოთ მეტი სიხარული შეხვედრებიდან“. კითხვა-პასუხები. მოიყვანე მაგალითები, როგორ შეგვიძლია შეხვედრებზე ყურადღებიანობის გამოვლენა და ერთიმეორის გამხნევება. სთხოვე მსმენელებს, პირადი შემთხვევები მოყვნენ.
სიმღერა №93 და ლოცვა
18 ოქტომბრით დაწყებული კვირა
სიმღერა №85
13 წთ.: ადგილობრივი განცხადებები, შემთხვევები სამქადაგებლო მსახურებიდან და შეკითხვების ყუთი.
13 წთ.: „გადადიხარ?“. გამამხნევებელი მოხსენება, რომელსაც მდივანი წარმოთქვამს. როცა მაუწყებლები ხედავენ სხვა კრებაში გადასვლის აუცილებლობას, მნიშვნელოვანია, კარგად შეეთვისონ ახალ გარემოს, რომ სულიერად არ შეფერხდნენ. ხაზი გაუსვი, რომ საჭიროა უხუცესებს გავაგებინოთ ასეთი გეგმების შესახებ და ვთხოვოთ დახმარება ახალ კრებასთან დასაკავშირებლად.
19 წთ.: „რას ეტყვი ებრაელს?“. კითხვა-პასუხები. ხაზი გაუსვი, როგორ შეიძლებოდა ებრაელთან საერთო ენის გამონახვა. ინსცენირება გაუკეთე კარგად მომზადებულ საუბარს. იუდაიზმის შესახებ მეტი ინფორმაციისთვის იხილე 1998 წლის თებერვლის „ჩვენი სამეფო მსახურების“ დანართი, „როგორ დავიწყოთ და გავაგრძელოთ ბიბლიურ თემაზე საუბარი“, გვერდები 14, 15, და „კაცობრიობა ღვთის ძიებაში“, თავი 9 (ინგლ.).
სიმღერა №185 და ლოცვა
25 ოქტომბრით დაწყებული კვირა
სიმღერა №45
15 წთ.: ადგილობრივი განცხადებები. დაეხმარე ყველას ბროშურის „რას მოითხოვს“ ან წიგნ „შემეცნების“ შესათავაზებლად მომზადებაში. ახსენი, როგორ მოვამზადოთ შესავალი, რომელიც ყურადღებას ამახვილებს კითხვაზე „გვპასუხობს თუ არა ღმერთი ლოცვაზე?“. გამოიყენე აზრები ბროშურის მე-7 გაკვეთილიდან ან წიგნის მე-16 თავის 12—14 აბზაცებიდან. ინსცენირება გაუკეთე მოკლე შესავალს ერთი მუხლის გამოყენებით.
15 წთ.: ბიბლიურ კითხვებზე პასუხების მოძებნა. სამსახურებრივ თანაშემწესთან დახმარების მისაღებად მიდის მაუწყებელი, რომელსაც დაინტერესებულმა ბიბლიური კითხვა დაუსვა. სამსახურებრივი თანაშემწე პასუხს პირდაპირ კი არ სცემს, არამედ უხსნის, როგორ მოძებნოს ის. უპირველესად, ის განიხილავს რჩევებს „სკოლის სახელმძღვანელოდან“, გაკვეთილი 7, აბზაცები 8, 9 (რუს.). შემდეგ ერთად იკვლევენ ადგილობრივ ტერიტორიაზე წამოჭრილ კითხვას. ისინი ეძებენ გარკვეულ წყაროებს, რომლებიც მოცემულ საკითხს ეხება, და დამაჯერებელ აზრებს პოულობენ, რომლებიც ნათელს ჰფენს ბიბლიური პასუხის მიზეზს. წაახალისე მსმენელები მსგავსი სასარგებლო შესწავლისკენ ბიბლიური კითხვების გამოსაკვლევად.
15 წთ.: რა მიზნები უნდა დავისახოთ. მოხსენება და განხილვა მსმენელებთან ერთად. განიხილე პრაქტიკული მიზნები 1997 წლის 15 მარტის „საგუშაგო კოშკის“ მე-11 გვერდზე მოცემული ჩარჩოდან. ამასთანავე, მაუწყებლები წაახალისე დამხმარე პიონერად ან პიონერად მსახურებისკენ. ახსენი, რა პირად სარგებლობას მოგვიტანს ამ მიზნების მიღწევა. სთხოვე მსმენელებს მოყვნენ, რა სიხარული განიცადეს, როცა გარკვეულ თეოკრატიულ მიზნებს მიაღწიეს.
სიმღერა №43 და ლოცვა