აფასებ იეჰოვას მოთმინებას?
1 იეჰოვას მოთმინება რომ არ გამოევლინა გასული 10, 20 ან მეტი წლის მანძილზე და ფართომასშტაბიანი ქადაგების გაგრძელების ნება არ დაერთო, გაიგებდი ჭეშმარიტებას? რაოდენ მადლიერი ვართ, რომ მან უფრო მეტ ადამიანს ‘მოსანანიებლად მისვლის’ ნება დართო. მაგრამ იეჰოვას სამსჯავროს დიადი დღე „ქურდივით მოვა“ (2 პეტ. 3:9,10). აქედან გამომდინარე, ღვთის მოთმინება არ უნდა აღვიქვათ ამ სისტემის აღსასრულის დაყოვნებად (აბაკ. 2:3).
2 ადამიანთა მიმართ სიბრალული. იეჰოვას დიდი მოთმინება ჩვენს გაგებას ბევრად აღემატება. მხედველობიდან არ უნდა გამოგვრჩეს მისი განზრახვები (იონ. 4:1—4, 11). იეჰოვა ხედავს კაცობრიობის სავალალო მდგომარეობას და ებრალება ადამიანები. იესოსაც მსგავსი გრძნობა ჰქონდა. იმის გამო, რომ სიბრალული ჰქონდა ხალხის მიმართ, რომელსაც უქადაგებდა, მას სურდა სამქადაგებლო საქმიანობის გაფართოება, რათა კიდევ მრავალს მიეღო მარადიული სიცოცხლის შესაძლებლობა (მათ. 9:35—38).
3 როდესაც რამე ტრაგედია ან უბედური შემთხვევა ხდება, ნუთუ არ თანავუგრძნობთ ადამიანებს, რომელთაც არ იციან ჭეშმარიტება? დღესდღეობით ადამიანები „უმწყემსო ცხვრებივით“ არიან, რადგან ისინი ცდილობენ, გაერკვენ და თავი გაართვან მსოფლიოში არსებულ ქაოსს (მარ. 6:34). კეთილი ცნობის გულმოდგინედ ქადაგებით, ჩვენ ვანუგეშებთ გულწრფელ ხალხს და მადლიერებას ვავლენთ იეჰოვასადმი თავისი მოთმინების გამო (საქ. 13:48).
4 ჩვენი საქმიანობა გადაუდებელია. გასულ წელს 323 439 კაცი მოინათლა და 14 000 000-ზე მეტი დაესწრო გახსენების საღამოს. როგორი შესაძლებლობაა კიდევ უფრო მეტი ადამიანისთვის, გადაურჩნენ ამ ბოროტი სისტემის აღსასრულს! ჩვენ არ ვიცით, რამდენად ბევრი იქნება „უამრავი ხალხი“ (გამოცხ. 7:9). არ ვიცით, რამდენ ხანს გასტანს ჩვენი სამქადაგებლო დავალება. მაგრამ იეჰოვამ იცის. კეთილი ცნობის ქადაგება გაგრძელდება მანამ, სანამ იეჰოვა არ ჩათვლის, რომ საკმარისია, და „მაშინ დადგება აღსასრული“ (მათ. 24:14).
5 დრო იწურება და ღვთის დღე გვიახლოვდება (1 კორ. 7:29ა; ებრ. 10:37). ეჭვგარეშეა, „ახლა უფრო ახლოა ჩვენი ხსნა, ვიდრე მაშინ, როცა ვირწმუნეთ“ (რომ. 13:11). დაე ნუ უგულებელვყოფთ ღვთიური მოთმინების მიზანს. ამის ნაცვლად, მოდი ვიქადაგოთ გადაუდებლად, რათა სიმართლეს მოწყურებულმა უფრო მეტმა ადამიანმა გამოსცადოს იეჰოვას დიდებული გულმოწყალება.