დასვენებას სათანადო ადგილი მიუჩინე
1 ამ რთულ პერიოდში დროდადრო ყოველ ჩვენგანს გვესაჭიროება ცხოვრების რიტმის შეცვლა. ზომიერად გართობა მიზანშეწონილია. მაგრამ დასვენებაში, გართობასა და სხვებთან ურთიერთობაში ბევრი დროის დახარჯვას შეუძლია ადამიანი სულ უფრო და უფრო ჩამოარჩინოს სულიერ საქმიანობას. დასვენებას სათანადო ადგილი უნდა მივუჩინოთ (მათ. 5:3). როგორ შეიძლება ამის გაკეთება? ეფესელთა 5:15—17-ში მოცემული რჩევის გამოყენებით.
2 საზღვრების დადგენა. პავლე წერდა, რომ ქრისტიანები „ფრთხილად“ უნდა მოქცეულიყვნენ, რათა გონივრულად ეცხოვრათ. ზომიერება და თვითკონტროლია საჭირო, რათა დასვენების დრო იმ დონემდე შევზღუდოთ, რამდენიც ნამდვილად საჭიროა. გონივრული იქნება სერიოზულად დავფიქრდეთ, თუ რაში ვხარჯავთ ჩვენს თავისუფალ დროს. გართობა ჩვენს სარგებლობას უნდა ემსახურებოდეს და ისეთი შეგრძნება არ უნდა დაგვიტოვოს, თითქოს დრო ფუჭად დავხარჯეთ ან ძალები გამოგვეცალოს. თუ გართობის შემდეგ სიცარიელის, დაუკმაყოფილებლობისა და დანაშაულის გრძნობა გრჩება, ეს იმის მაჩვენებელია, რომ ცვლილებების მოხდენაა საჭირო დროის გამოყენების საკითხში.
3 გონივრულად მოიქეცი. პავლემ გვირჩია, ცხოვრებაში უფრო მნიშვნელოვანი საქმეებისთვის ‘მოვივაჭროთ ჟამი’ და არ გავხდეთ „უგუნურნი“. მიძღვნილი ქრისტიანები არ დაუშვებენ, რომ მათ ცხოვრებაში მთავარი ადგილი დასვენებამ დაიკავოს. თუმცა გართობამ და დასვენებამ შეიძლება ფიზიკური ძალები აღგვიდგინოს, სულიერი ენერგიის წყარო ღვთის მოქმედი ძალაა (ეს. 40:29—31). მის სულს ჩვენ თეოკრატიული საქმიანობიდან: ბიბლიის შესწავლით, კრების შეხვედრებზე დასწრებით, მსახურებაში მონაწილეობით ვიღებთ და არა გართობით.
4 პრიორიტეტების დადგენა. პავლე ურჩევდა ქრისტიანებს: „შეიცანით, რა არის ღვთის ნება“. იესო გვასწავლიდა, რომ ჩვენ საქმიანობაში პირველ ადგილზე ღვთის სამეფო დაგვეყენებინა (მათ. 6:33). უაღრესად მნიშვნელოვანია პირველ რიგში ვაკეთოთ ის, რაც საშუალებას მოგვცემს ვიცხოვროთ იეჰოვასადმი ჩვენი მიძღვნის თანახმად. ამის შემდგომ დასვენებას სათანადო ადგილს მივუჩენთ. ამის გაკეთებას სასარგებლო შედეგი მოჰყვება და უფრო მეტად ვისიამოვნებთ კიდეც (ეკლ. 5:11).