თუ ვინმე გეუბნებათ — „თქვენ თქვენი ბიბლია გაქვთ“

ამაზე შეგიძლიათ უპასუხოთ: „ბიბლიის რომელი თარგმანი გაქვთ თქვენ? (ჩამოთვალე თქვენს ენაზე არსებული რამდენიმე თარგმანი) მოგეხსენებათ ბიბლიის არა ერთი თარგმანი არსებობს“. შემდეგ შეგიძლიათ დაამატოთ: «დიდი სიამოვნებით გამოვიყენებდი ნებისმიერ თარგმანს, რომელსაც შემომთავაზებდით. მაგრამ შეიძლება დაგაინტერესოთ, მე განსაკუთრებით რატომ მომწონს „ახალი ქვეყნიერების თარგმანი“. იმიტომ, რომ ის თანამედროვე, გასაგები ენით არის დაწერილი; აგრეთვე ძალიან ახლოს არის ბიბლიის ორიგინალის ენასთან».

ან შეგიძლიათ თქვათ: „თქვენი სიტყვებიდან გამომდინარე, ვფიქრობ, რომ გაქვთ ბიბლია სახლში. ხომ ვერ მეტყოდით, რომელი თარგმანით სარგებლობთ თქვენ?.. თუ შეიძლება, გამოიტანეთ თქვენი ბიბლია. შემდეგ შეგიძლიათ დაამატოთ: „მიუხედავად იმისა, თუ რომელ თარგმანს ვიყენებთ, ჩვენთვის, ყველასთვის, იოანეს 17:3-ში იესო ყურადღებას ამახვილებს ერთ მნიშვნელოვან საკითხზე, რომელიც ყოველთვის უნდა გვახსოვდეს და, რომელიც თქვენსავე ბიბლიაში შეგიძლიათ ნახოთ. . .“.

კიდევ ერთი ვარიანტი: „მოგეხსენებათ ბიბლიის არა ერთი თარგმანი არსებობს. ჩვენი საზოგადოება გვირჩევს, გამოვიყენოთ სხვადასხვა თარგმანი, რათა ისინი ერთმანეთთან შევადაროთ და ბიბლიის შემსწავლელებს საღვთო წერილის ნამდვილი მნიშვნელობის გაგებაში დავეხმაროთ. ისიც კარგად მოგეხსენებათ, რომ ბიბლიის დედანი ებრაულ, არამეულ და ბერძნულ ენებზე დაიწერა. ამიტომ ჩვენ ვაფასებთ მთარგმნელების შრომას, რომელიც მათ ჩვენს ენაზე ბიბლიის გადმოსათარგმნად გასწიეს. პირადად თქვენ, ბიბლიის რომელ თარგმანს იყენებთ?“.

კიდევ ერთი რჩევა: «როგორც ჩანს, თქვენ ისეთი ადამიანი ბრძანდებით, რომელსაც უყვარს ღვთის სიტყვა. ამიტომ დარწმუნებული ვარ, რომ დაგაინტერესებთ, გაიგოთ, იმ ერთი დიდი განსხვავების შესახებ, რომელიც „ახალი ქვეყნიერების თარგმანსა“ და სხვა თარგმანებს შორის არსებობს. „ახალი ქვეყნიერების თარგმანში“ საღვთო წერილის უმნიშვნელოვანესი პიროვნების სახელია მოხსენიებული. იცით თუ არა, ვინ არის ეს პიროვნება?“ შემდეგ შეგიძლიათ დაამატოთ: 1) „იცით, რომ ეს პირადი სახელი ბიბლიის ებრაულ დედანში დაახლოებით 7000-ჯერ გვხვდება, ესე იგი, იმაზე ბევრად უფრო მეტჯერ, ვიდრე სხვა დანარჩენი?“ 2) „აქვს რამე მნიშვნელობა, გამოვიყენებთ ღვთის სახელს თუ არა? შედარებისათვის, გყავთ თუ არა ახლო მეგობარი, რომლის სახელიც არ იცით? . . თუ ღმერთთან პირადი ურთიერთობის დამყარება გვსურს, ამისთვის საძირკვლის ჩაყრაში მისი სახელის ცოდნაა მნიშვნელოვანი. ნახეთ, რა თქვა იესომ იოანეს 17:3-ში (გამოსვლა 15:3)“.