როგორ გვათავისუფლებს ჭეშმარიტება

¹ ერთხელ იესომ იუდეველებს, რომლებსაც სწამდათ მისი, შემდეგი სიტყვები უთხრა: „შეიცნობთ ჭეშმარიტებას და ჭეშმარიტება გაგათავისუფლებთ“ (იოან. 8:32). თავისუფლება, რომელზეც ის ლაპარაკობდა, აღემატებოდა ადამიანის უფლებებს. ეს იყო თავისუფლება, რომელიც შეეძლო ჰქონოდა ყველას — მდიდარს თუ ღარიბს, განათლებულსა თუ მას, ვისაც არ მიუღია განათლება. ჭეშმარიტება, რომელსაც იესო ასწავლიდა, ადამიანს ცოდვისა და სიკვდილის მონობისგან ათავისუფლებს. იესომ განმარტა, რომ „ყველა ცოდვის ჩამდენი ცოდვის მონაა“ (იოან. 8:34). რა თქმა უნდა, ჩვენ შევნატრით იმ დროს, როცა მორჩილი ადამიანები გათავისუფლდებიან „ხრწნილების მონობისაგან ღვთის შვილთა დიდების თავისუფლებისათვის“ (რომ. 8:21).

² ასეთი თავისუფლება მოაქვს ჭეშმარიტებას იესოსა და, აგრეთვე, იეჰოვას განზრახვების განხორციელებაში მისი მთავარი როლის შესახებ. მასში გამომსყიდველური მსხვერპლი შესახებ ცოდნაც შედის (რომ. 3:24). ვინც იღებს ბიბლიურ ჭეშმარიტებას და მორჩილად მიჰყვება მას, უკვე დღესვეა კურთხეული გარკვეული თავისუფლებით, კერძოდ თავისუფლდებიან შიშისა და უიმედობისგან და სხვადასხვა მავნე ჩვევისგან.

³ გათავისუფლება შიშისა და უიმედობისგან. მსოფლიო მდგომარეობის გამო უიმედობას არ უნდა მივეცეთ, რადგანაც გვესმის ბოროტების არსებობის მიზეზი და ვიცით, რომ მალე მისი კვალიც აღარ იქნება დედამიწაზე (ფსალმ. 36:10, 11; 2 ტიმ. 3:1; გამოცხ. 12:12). გარდა ამისა, ჭეშმარიტება გვათავისუფლებს ცრუ სწავლებებისგან. მაგალითად, მიცვალებულთა მდგომარეობასთან დაკავშირებული ცრუ წარმოდგენებისგან. ჩვენ ვიცით, რომ მკვდრებს არ შეუძლიათ ზიანის მოყენება და არც მარადიულად იტანჯებიან; ვიცით, რომ სიკვდილის მიზეზი არ არის ის, რომ თითქოს ღმერთს ადამიანები თავისთან მიჰყავს (ეკლ. 9:5; საქ. 24:15).

⁴ ერთ ოჯახს ამ ჭეშმარიტების ცოდნამ გადაატანინა შვილის სიკვდილი, რომელიც უბედური შემთხვევის დროს დაეღუპათ: „ცხოვრება სიცარიელით აივსო და ამ სიცარიელის გრძნობას ვერაფერი შეგვივსებს სანამ ჩვენს შვილს მკვდრეთით აღმდგარს არ ვიხილავთ, — ამბობს დედა, — მაგრამ ვიცით, რომ ერთხელაც ეს ტკივილი სამუდამოდ გაქრება“.

⁵ გათავისუფლება მავნე ჩვევებისგან. ბიბლიურ ჭეშმარიტებას შეუძლია შეცვალოს ადამიანის აზროვნება და მთლიანად მისი პიროვნება. ამის შედეგად კი ჭეშმარიტება მას მოსალოდნელი პრობლემებისგან ათავისუფლებს (ეფეს. 4:20—24). შრომისმოყვარეობისა და პატიოსნების წყალობით თავს დავაღწევთ სიღარიბეს (იგავ. 13:4). თავგანწირული სიყვარულის სხვებთან ურთიერთობის გაუმჯობესებაში გვეხმარება (კოლ. 3:13, 14). ქრისტიანული მეთაურობის პრინციპის პატივისცემას ოჯახში მინიმუმამდე დაჰყავს ოჯახური პრობლემები (ეფეს. 5:33—6:1). გადაჭარბებული სმა, სექსუალური უზნეობა, თამბაქოსა და ნარკოტიკების ბოროტად გამოყენება — ყოველივე ამისთვის თავის არიდება კარგ ჯანმრთელობას უწყობს ხელს (იგავ. 7:21—23; 23:29, 30; 2 კორ. 7:1).

⁶ ერთი ახალგაზრდა მამაკაცი 9 წლის განმავლობაში იღებდა ნარკოტიკებს და ვერაფრით ვერ ანებებდა თავს ამ ჩვევას. ერთ დღეს ის შეხვდა იეჰოვას მოწმეს, რომელიც ქუჩაში ქადაგებდა. მან აიღო ლიტერატურა და მოილაპარაკეს, რომ მოწმე სახლში მიაკითხავდა. დაიწყეს ბიბლიის შესწავლა. ორ თვეში ამ მამაკაცმა მთლიანად შეწყვიტა ნარკოტიკების მიღება, შესწავლიდან 8 თვის შემდეგ კი მოინათლა. ეს ცვლილებები შეუმჩნეველი არ დარჩენიათ მისი ოჯახის წევრებს, მისმა ძმამ და რძალმა დაიწყეს ბიბლიის შესწავლა.

⁷ დაეხმარე სხვებს თავისუფლების მოპოვებაში. მათთვის, ვინც მთელი სიცოცხლე ცრუ სწავლებების მონობაში იმყოფებოდა, შეიძლება ძნელი იყოს იმის გაგება, თუ რას ნიშნავს თავისუფლება, რომელსაც ღვთის სიტყვა გვაძლევს. მათ გულს რომ შევეხოთ, განსაკუთრებული მცდელობა და კარგი მომზადებაა საჭირო (2 ტიმ. 4:2, 5). ახლა არ არის იმის დრო, რომ შევანელოთ ჩვენი საქმიანობა, კერძოდ ‘ტყვეებისთვის თავისუფლების გამოცხადება’ (ესაია 61:1). ქრისტიანული თავისუფლება ძვირფასია. მისი მიღწევა მარადიული სიცოცხლის მომტანია (1 ტიმ. 4:16).