თეოკრატიული სამსახურის სკოლა 2004 წელს
1 იეჰოვა უბრალო ადამიანებს ამზადებს საყოველთაო მნიშვნელობის საქმისთვის. ერთ-ერთი საშუალება, რომელსაც ამ მიზნის მისაღწევად იყენებს, არის ყოველკვირეული თეოკრატიული სამსახურის სკოლა. მონაწილეობ მასში შეძლებისდაგვარად სრულად? 2004 წლის იანვრიდან მოხდება რამდენიმე ცვლილება, რაც მოწაფეებისთვის უფრო სასარგებლო იქნება.
2 დამხმარე მრჩეველი. ძმები, რომლებიც გამოდიან დამმოძღვრავი მოხსენებებით და ბიბლიიდან მნიშვნელოვანი აზრების განხილვით, მადლიერები არიან რჩევებისთვის, რომლებსაც დამხმარე მრჩეველი იძლევა. იმ კრებებში, სადაც ამ დავალებისთვის შესაფერისი უხუცესები საკმარისად არიან, დამხმარე მრჩევლის მოვალეობის შესრულება ყოველწლიურად სხვადასხვა ძმას შეუძლია. ამგვარად, ტვირთი გადანაწილდება, მაგრამ უფრო მნიშვნელოვანი ისაა, რომ უხუცესები და კვალიფიციური თანაშემწეები უფრო მეტ სარგებლობას მიიღებენ სხვადასხვა გამოცდილი მომხსენებლებისა და მასწავლებლების გამოცდილებიდან.
3 ზეპირი გამეორების დაგეგმვა. თუ თქვენს კრებას სარაიონო კონგრესი იმ კვირას აქვს, როდესაც ზეპირი გამეორებაა დაგეგმილი, მაშინ გამეორება (და პროგრამის დანარჩენი ნაწილი) უნდა გადაიტანოთ მომდევნო კვირას, ხოლო მომდევნო კვირის პროგრამა ჩატარდება სარაიონო კონგრესზე. მთლიანი პროგრამის გადაადგილება აუცილებელი არ არის, როდესაც ზეპირი გამეორება ემთხვევა სარაიონო ზედამხედველის მონახულების კვირას. სიმღერა, სწავლებისა და მეტყველების უნარის გასაუმჯობესებელი რჩევების განხილვა და მნიშვნელოვანი აზრები ბიბლიის კითხვის ყოველკვირეული პროგრამიდან ჩატარდება გეგმის მიხედვით. დამმოძღვრავი მოხსენება (რომელიც რჩევების განხილვის შემდეგაა), უნდა აიღოთ მომდევნო კვირის პროგრამიდან. ბიბლიის კითხვიდან მნიშვნელოვანი აზრების განხილვის შემდეგ დაიწყება ნახევარსაათიანი სამსახურებრივი შეხვედრა, რომლის პროგრამაც შეგიძლიათ შეცვალოთ — ისე რომ სამი 10-წუთიანი ან ორი 15-წუთიანი ნაწილისგან შედგებოდეს (განცხადებები არ იქნება). სამსახურებრივ შეხვედრას მოჰყვება სიმღერა და სარაიონო ზედამხედველის ნახევარსაათიანი პროგრამა. მომდევნო კვირას თეოკრატიული სამსახურის სკოლა დაიწყება სწავლებისა და მეტყველების უნარის გასაუმჯობესებელი რჩევების განხილვით; შემდეგ იქნება მნიშვნელოვანი აზრების განხილვა ბიბლიის კითხვის ყოველკვირეული პროგრამიდან. ორივე გამოსვლა დაფუძნებული იქნება აღნიშნული კვირის გეგმაზე. ამის შემდეგ კი ჩატარდება ზეპირი გამეორება.
4 ისარგებლე ყოველი შესაძლებლობით, რომ სულიერად გაიზარდო. თეოკრატიული სამსახურის სკოლაში განათლების მიღებით ამხნევებ შენს კრებას, ასრულებ ბიბლიურ წინასწარმეტყველებას და განადიდებ იმ მშვენიერი ცნობის ავტორს, რომელსაც ჩვენ ვქადაგებთ (ეს. 32:3, 4; გამოცხ. 9:19).