დავეხმაროთ მარადიული სიცოცხლისთვის განწყობილებს
1. როგორ ადამიანებს უყრის თავს იეჰოვა ჩვენს დღეებში?
1 ყველას აქვს საკუთარი შეხედულებები, რომლებიც მათი სიმბოლური გულიდან მომდინარეობს (მათ. 12:35). ბიბლია საუბრობს ადამიანებზე, რომელთა ‘გულიც ომისკენ არის განწყობილი’ (ფსალმ. 54:22). ზოგი კი ‘გულფიცხია’ (იგავ. 29:22). მაგრამ არიან ისეთებიც, რომლებიც ‘მარადიული სიცოცხლისთვის არიან განწყობილები’ (საქ. 13:48, აქ). ჩვენს დღეებში იეჰოვა თავს უყრის ასეთ ადამიანებს (ანგ. 2:7). როგორ დავეხმაროთ მათ, რომ იეჰოვას თაყვანისმცემლები გახდნენ?
2. რა დაგვეხმარება, რომ ჩვენზე მონდობილი დავალება შევასრულოთ?
2 კეთილსინდისიერად მოეკიდე განმეორებით მონახულებებს: განმეორებით მონახულებებზე სწორი თვალსაზრისი მნიშვნელოვანია ჩვენზე მონდობილი მოწაფეების მომზადების საქმიანობის განსახორციელებლად (მათ. 28:19, 20). გულმოდგინედ ვეკიდებით თუ არა დაინტერესებულებს? ვაკითხავთ განმეორებით მათ, ვინც ლიტერატურა გამოგვართვა ან სასიხარულო ცნობისადმი ინტერესი გამოავლინა? გულმოდგინედ ვცდილობთ, რომ მათ სულიერ ზრდაში დავეხმაროთ? რადგანაც საქმე ხალხის სიცოცხლეს ეხება, უნდა შევეცადოთ, მოვინახულოთ ყველა, ვინც ინტერესი გამოავლინა.
3. რა უნდა გავაკეთოთ ვინმესთან ქადაგების შემდეგ?
3 სანამ დაინტერესებულ ადამიანთან საუბარი ჯერ კიდევ კარგად გახსოვს, ჩაიწერე მისი სახელი და მისამართი; აგრეთვე ჩაინიშნე საუბრის თემა, წაკითხული ბიბლიური მუხლები და დატოვებული ლიტერატურა. შემდეგ, რაც შეიძლება მალე მიაკითხე განმეორებით.
4. როგორ გავხადოთ განმეორებითი მონახულება ეფექტური?
4 როგორ გავაკეთოთ განმეორებითი მონახულება: განმეორებითი მონახულების დროს გულთბილი და მეგობრული იყავი და გულწრფელი ინტერესი გამოავლინე. ისაუბრე უბრალოდ და წმინდა წერილებიდან. მოამზადე საინტერესო ბიბლიური თემა და დასკვნითი კითხვა, რომელზეც შემდგომი მონახულების დროს უპასუხებ. კარგი იქნება, თუ მობინადრის მიერ გამოთქმულ არაბიბლიურ თვალსაზრისზე საუბარს მოერიდები. ეცადე ისეთი საკითხები განიხილო, რომლებზეც საერთო აზრი გაქვთ (კოლ. 4:6).
5. როგორ შეეცადა ერთი პიონერი მსახურების გაუმჯობესებას და როგორი იყო შედეგი?
5 განმეორებითი მონახულებები ძალისხმევას მოითხოვს, მაგრამ კარგი შედეგები მოაქვს. ერთმა იაპონელმა პიონერმა მიზნად დაისახა, თვიდან თვემდე უფრო მეტი განმეორებითი მონახულება გაეკეთებინა. საამისოდ, ის იწერდა მათ მონაცემებს, ვისაც კარდაკარ მსახურების დროს ხვდებოდა და შვიდი დღის განმავლობაში კვლავ აკითხავდა. ასევე საგულდაგულოდ ამზადებდა სათქმელს და დამაჯერებლად ქადაგებდა. ერთ-ერთი განმეორებითი მონახულების დროს ბიბლიის შესწავლაც დაიწყო პიროვნებასთან, რომელმაც ასეთი რამ უთხრა: „ყოველთვის უარით ვისტუმრებდი თქვენს ხალხს. ეს პირველი შემთხვევაა, რომ მოგისმინეთ“. პიონერის გულმოდგინებამ შედეგი გამოიღო. პირველივე თვის დასასრულს მას უკვე ათი შესწავლა ჰქონდა.
6. რატომ არის საჭირო გულმოდგინება განმეორებითი მონახულებების გაკეთებისას?
6 ადამიანთა მდგომარეობა გამუდმებით იცვლება (1 კორ. 7:31). ხშირად რამდენიმეჯერ უნდა მიაკითხო დაინტერესებულ ადამიანს, სახლში რომ დაგხვდეს. განმეორებითი მონახულებების კეთილსინდისიერად გაკეთებით შევძლებთ მათ დახმარებას, ვინც მარადიული ცხოვრებისთვისაა განწყობილი, რომ სიცოცხლის გზას დაადგნენ (მათ. 7:13, 14).