გამოიყენე ყოველთვის
1. რა მიზნით გამოიცა ტრაქტატი „სიმართლე“?
1 ტრაქტატი „გინდათ იცოდეთ სიმართლე?“ იმისთვის გამოიცა, რომ ბიბლიის შესწავლების დაწყებაში დაგვეხმაროს. ის, ამავე დროს, კარგი საშუალებაა ჭეშმარიტების მარცვლის ჩასათესად (ეკლ. 11:6). ქვემოთ მოყვანილია რამდენიმე რჩევა, რომლებიც ამ ტრაქტატის საუკეთესოდ გამოყენებაში დაგვეხმარება.
2. როგორ გამოვიყენოთ ტრაქტატი საუბრის დასაწყებად?
2 საუბრის დაწყება: შეგიძლია ტრაქტატი მისცე მობინადრეს, ყურადღება გაუმახვილო პირველივე გვერდზე მოყვანილ ექვს კითხვაზე და ჰკითხო: „ამ კითხვებიდან რომელზე ისურვებდით პასუხის გაგებას?“. მობინადრის აზრის გაგების შემდეგ ტრაქტატიდან ამოიკითხე მისთვის საინტერესო კითხვაზე პასუხი და იქვე მოყვანილი ერთი ბიბლიური მუხლი. წაიკითხე ან ზეპირად უთხარი ტრაქტატის ბოლო გვერდზე მოცემული ინფორმაცია და შესთავაზე წიგნი „რას გვასწავლის ბიბლია?“. მაშინაც კი, თუ მობინადრე არ აიღებს წიგნს, ტრაქტატი დაეხმარება, რომ ჭეშმარიტებამ მის გულში ფესვები გაიდგას (მათ. 13:23).
3. რისი გაკეთება შეგვიძლია, თუ მობინადრე დაკავებულია?
3 თუ მობინადრე დაკავებულია: შეგიძლია უთხრა: „რადგან არახელსაყრელ დროს მოვედი, ტრაქტატს დაგიტოვებთ. მასში მოცემულია ექვსი ძირითადი კითხვა, რომლებიც უმეტეს ჩვენგანს გასჩენია; მათზე პირდაპირ არის გაცემული პასუხები ბიბლიიდან. თქვენი აზრი შეგიძლიათ შემდეგ შეხვედრაზე მითხრათ“.
4. როგორ შევთავაზოთ ტრაქტატი ქუჩაში მსახურების დროს?
4 ქუჩაში მსახურების დროს: შეგეძლო გეთქვა: „გამარჯობა. ოდესმე დაფიქრებულხართ ამ კითხვებიდან რომელიმეზე? [დაელოდე, გიპასუხოს]. ამ ტრაქტატში მოყვანილია ნათელი, დამაკმაყოფილებელი პასუხები ბიბლიიდან“. თუ ადამიანს არ ეჩქარება, შეგიძლია ტრაქტატიდან იმსჯელო ერთ-ერთი კითხვის პასუხზე და შესთავაზო წიგნი „რას გვასწავლის ბიბლია?“.
5. როგორ შეგვიძლია ტრაქტატის გამოყენება მაშინ, როცა სახლში არ გვხვდებიან?
5 როცა სახლში არ გვხვდებიან: ზოგან მაუწყებლები ლიტერატურას სხვებისთვის შეუმჩნეველ ადგილას უტოვებენ მათ, ვინც სახლში არ ხვდებათ. თუ თქვენს კრებაშიც ასე ხდება, დროდადრო შეგიძლიათ კართან დატოვოთ ტრაქტატი „სიმართლე“. როცა დაბრუნდებით, შეგიძლიათ მობინადრეს უთხრათ: „როცა აქ ვიყავით, სახლში არ დაგვხვდით და კარებში ტრაქტატი ჩაგიტოვეთ. ამ ტრაქტატიდან რომელ კითხვაზე ისურვებდით პასუხის გაგებას?“.
6. რატომ არის ტრაქტატი „სიმართლე“ ქადაგების ეფექტური საშუალება?
6 ტრაქტატ „სიმართლეში“ ჭეშმარიტება მარტივად და პირდაპირ არის გადმოცემული. ის განკუთვნილია ყველა რელიგიისა და კულტურის ადამიანისთვის. მისი შეთავაზება ადვილია და ახალგაზრდა და ახალ მაუწყებლებსაც კი შეუძლიათ მისი გავრცელება. ყოველთვის იყენებ მას?