პატივი ეცი იეჰოვას მშვენიერ სახელს
1 სატანამ ღვთის სახელი შეურაცხყო, როდესაც ჩვენს პირველ მშობლებს ცოდვის ჩადენისკენ უბიძგა. მან ცილი დასწამა იეჰოვას, თითქოს ღმერთმა ადამი რაღაცაში მოატყუა (დაბ. 3:1–5). ვინაიდან ღვთაებრივი სახელი ნიშნავს, რომ ღმერთს თავისი სიტყვის შესრულების უნარი აქვს, სატანის უსაფუძვლო მტკიცება უდიდესი ცილისწამება იყო. თავისი ღვთაებრივი განზრახვის თანდათანობითი შესრულებით იეჰოვამ დაამტკიცა, რომ მართალი იყო და დიდებული სახელი შეიქმნა (ეს. 63:12–14).
2 ჩვენ იეჰოვას ‘სახელით წოდებული’ ხალხი ვართ (საქ. 15:14, 17). ეს კი იმის საშუალებას გვაძლევს, რომ ვაჩვენოთ, ჩვენთვის რა მნიშვნელობა აქვს ამ სახელის წმიდად ყოფას. ჩვენთვის იეჰოვას სახელი ჭეშმარიტად მშვენიერია, რადგანაც ის ყოველივე კარგს, სასიკეთოს, საყვარელს, წყალობით უხვსა და სამართლიანს წარმოადგენს. ჩვენ ღვთის დიდებული სახელისადმი მოკრძალებითა და მოწიწებით ვართ გამსჭვალული (ფსალმ. 8:2; 98:3; 148:13). რის გაკეთებას მოითხოვს ეს ჩვენგან?
3 ღვთის სახელის წმიდად ყოფა. ღვთის სახელის განწმენდა შეუძლებელია, რადგან ის ისედაც უწმინდესია. მაგრამ ჩვენი სუფთა ქცევითა და სამეფოს შესახებ ქადაგებით შეგვიძლია ცხადვყოთ, რამდენად დიდ პატივს ვცემთ ღვთის სახელს. მოდი შევძახოთ: „მადლობდეთ უფალს, ახსენებდეთ მის სახელს, აცხადებდეთ მის საქმეებს ხალხებში, გაახსენებდეთ რომ მაღალია მისი სახელი“ (ეს. 12:4). როგორ შეგვიძლია ამის გაკეთება?
4 ჩვენ შეგვიძლია გამოვიყენოთ ნებისმიერი შესაძლებლობა, რომ გავაცხადოთ იეჰოვას სახელი და მისი მნიშვნელობა. სულერთია, ოფიციალურად თუ არაფორმალურად, კარდაკარ თუ მაღაზიებში, ქუჩაში თუ ტელეფონით, ჩვენი სამქადაგებლო საქმიანობა განადიდებს იეჰოვას. როდესაც ვნახულობთ დაინტერესებულ პირებს, რომლებიც გვისმენენ, გასაგებად უნდა შევუთანხმდეთ განმეორებითი შეხვედრის თაობაზე და იეჰოვას შესახებ მეტი ვასწავლოთ. ეს იმას ნიშნავს, რომ ხელი არაფერმა უნდა შეგვიშალოს დანიშნული შეხვედრის ჩატარებაში და ყოველი ღონე ვიხმაროთ ბიბლიის საშინაო შესწავლის დასაწყებად. საბედნიეროდ, ყოველწლიურად ასიათასობით ადამიანი ეცნობა, პატივს სცემს და წმინდად ყოფს იეჰოვას მშვენიერ სახელს.
5 ღვთის სახელის განწმენდის საქმეში ჩვენი გულითადი მონაწილეობა ცხადყოფს, ვის მხარეს ვიკავებთ სატანის მიერ ედემის ბაღში წამოჭრილ საკამათო საკითხთან დაკავშირებით. საქმე, რომელსაც ჩვენ ვასრულებთ, მეტად საპატიო და კეთილშობილურია. დაე უდიდესი პატივი ვცეთ და ერთგულად ვადიდოთ იეჰოვას უმშვენიერესი სახელი! (1 ნეშტ. 29:13).