შეკითხვების ყუთი

◼ იქნებოდა თუ არა მართებული კრების ფინანსური მხარდაჭერის მიზნით სახლიდან ნივთების გატანა და გაყიდვა ან მსგავსი მოქმედება, ისე რომ ხალხისთვის გაყიდვამდე გვეთქვა, თუ რას მოხმარდება შემოსული თანხა?

ხშირად რელიგიები სხვადასხვა საშუალებას მიმართავენ, რათა შემოსული თანხა თავიანთ რელიგიურ ორგანიზაციას მოახმარონ; მაგალითად, ისინი აწყობენ სადილებს, ყიდიან სხვადასხვა ნივთს და მართავენ ღონისძიებებს. ზოგი შეიძლება ფიქრობს, რომ ამაში ცუდი არაფერია, მაგრამ, ფაქტობრივად, ეს ფულის თხოვნაა. იეჰოვას მოწმეები საკუთარი ორგანიზაციის მხარდაჭერის მიზნით ასეთ მეთოდებს არ მიმართავენ.

1879 წლის აგვისტოს „საგუშაგო კოშკის“ მეორე გამოცემაში აღნიშნული იყო, რომ არ ვბაძავთ ეკლესიებს და ჩვენი რელიგიის მხარდაჭერის მიზნით არ ვაყალიბებთ ფონდებს. ჟურნალში ნათქვამი იყო: «ჩვენ გვჯერა, რომ იეჰოვა უჭერს მხარს „სიონის საგუშაგო კოშკის“ გამოცემას. ამიტომ არასოდეს ვთხოვთ ადამიანებს ფინანსურ დახმარებას. თუ ის, რომელმაც თქვა: „ჩემია ვერცხლი და ჩემია ოქრო“, აღარ უზრუნველგვყოფს საჭირო სახსრებით, მაშინ მივხვდებით, რომ დროა შევწყვიტოთ ჟურნალის გამოცემა».

ჩვენ კვლავაც მივყვებით შემდეგ ბიბლიურ პრინციპს: „თითოეული ისე მოიქცეს, როგორც გულში გადაწყვიტა, ოღონდ არა უხალისოდ ან ნაძალადევად, რადგან ღმერთს სიხარულით გამცემი უყვარს“ (2 კორ. 9:7). სამეფო დარბაზებში არის შესაწირავის ყუთები და ვისაც სურს, შეუძლია ნებაყოფლობით გაიღოს შესაწირავი (2 მეფ. 12:9). იეჰოვას მოწმეები არავის ავალდებულებენ შესაწირავების გაღებას; შესაწირავის გაღება არც იმას გულისხმობს, რომ მისი გამღები სანაცვლოდ რაიმეს ელოდეს.