სამქადაგებლო მსახურების შეხვედრა დიდ სარგებლობას მოგიტანს
1. როგორ გვეხმარება სამქადაგებლო მსახურების შეხვედრა?
1 კარგად მომზადებული სამქადაგებლო მსახურების შეხვედრებიდან მსახურებაში გასვლამდე გამხნევებასა და პრაქტიკულ დარიგებას მივიღებთ. ეს შეხვედრა გვეხმარება, ვითანამშრომლოთ სხვადასხვა მაუწყებელთან, მხარდაჭერა აღმოვუჩინოთ და გამოცდილება გავუზიაროთ ერთმანეთს (იგავ. 27:17; ეკლ. 4:9, 10). ჩვენ რა მოგვეთხოვება, რომ სამქადაგებლო მსახურების შეხვედრამ სარგებლობა მოგვიტანოს?
2. რა მასალის განხილვა შეუძლია სამქადაგებლო მსახურების შეხვედრის ჩამტარებელს?
2 სამქადაგებლო მსახურების შეხვედრის ჩამტარებელი: ამ შეხვედრაზე განსახილველი მასალა წინასწარ არ არის შედგენილი. ამიტომ, თუ ამ შეხვედრის ჩამტარებელი ხარ, კარგად უნდა მოემზადო. თუ ყოველდღიური მუხლი სამქადაგებლო მსახურებას არ ეხება, აუცილებელი არ არის მისი განხილვა. დაფიქრდი, რომელი რჩევები იქნებოდა დამხმარე იმ დღეს მსახურებაში. მაგალითად, შეგიძლია განიხილო ერთ-ერთი შეთავაზება და წარმოადგინო მისი ინსცენირება ან განიხილო აზრები წიგნებიდან „მსჯელობა“ (ინგლ.) და „თეოკრატიული სამსახურის სკოლა“. სხვა დროს შეგიძლია წინა სამსახურებრივ შეხვედრაზე განხილული მასალა გაარჩიო ან იმსჯელო, როგორ შეიძლება იმ სირთულეების დაძლევა, რომლებსაც შესაძლოა თქვენს ტერიტორიაზე ხვდებით. თუ მაუწყებლებს განმეორებითი მონახულებები აქვთ დაგეგმილი, იმსჯელე, როგორ შეუძლიათ ინტერესის გაღრმავება და ბიბლიის შესწავლის დაწყება. ამასთანავე შენი საუბარი გამამხნევებელი და წამახალისებელი უნდა იყოს.
3. რამდენ ხანს უნდა გაგრძელდეს ეს შეხვედრა და რა უნდა გაკეთდეს ამ დროს?
3 შეხვედრა დათქმულ დროს დაიწყე მაშინაც კი, თუ ვინმე აგვიანებს. გონივრულად გაანაწილე წყვილები და მსურველებს საქადაგებლად უბნები მიეცი. სამქადაგებლო მსახურების შეხვედრა არ უნდა გაგრძელდეს 10–15 წუთზე მეტხანს; თუ ის კრების შეხვედრის შემდეგ ტარდება, დრო შეამცირე. სანამ შეხვედრას დაასრულებ, დარწმუნდი, რომ ყველამ იცის, სად და ვისთან ერთად წავა მსახურებაში. შეხვედრა ლოცვით დაამთავრე.
4. რა შემთხვევაში იქნება სასარგებლო სამქადაგებლო მსახურების შეხვედრა?
4 შეიტანე შენი წვლილი: როგორც კრების ნებისმიერ შეხვედრაზე, ამ შეხვედრაზე დროულად მისვლითაც იეჰოვასა და სხვებისადმი პატივისცემას გამოვავლენთ. მონაწილეობა მიიღე განხილვაში. თუ წინასწარ არ გექნება დაგეგმილი, ვისთან იმსახურებ, შეხვედრის ჩამტარებელი შეგირჩევს პარტნიორს. ნაცვლად იმისა, რომ ყოველთვის მეგობრებთან ერთად წინასწარ დაგეგმო მსახურება, შეეცადე „გაფართოვდე“ და სხვადასხვა მაუწყებელთან ითანამშრომლო (2 კორ. 6:11—13). შეხვედრის შემდეგ ნუ შეცვლი გეგმებს და ნუ დააყოვნებ მსახურებაში გასვლას.
5. რა მიზანს ემსახურება სამქადაგებლო მსახურების შეხვედრა?
5 სამქადაგებლო მსახურების შეხვედრა იმავე მიზანს ემსახურება, რასაც კრების სხვა შეხვედრები. მათი მიზანია, რომ „წავახალისოთ ერთმანეთი სიყვარულისა და კარგი საქმეებისთვის“ (ებრ. 10:24, 25). თუ ვცდილობთ, ამ შეხვედრებიდან სრულად ვისარგებლოთ, შევძლებთ ჩვენი მსახურების შესრულებას, რაც ნამდვილად „კარგი საქმე“ იქნება.