„რა სარგებლობა მოაქვს თქვენს საქმიანობას საზოგადოებისთვის?“

ამ კითხვით ინდოელმა ჟურნალისტმა, ჩანდრაკანტ პატელმა, მიმართა ბრუკლინში (ნიუ-იორკი) იეჰოვას მოწმეთა მსოფლიო მთავარ განყოფილებაში მომუშავეს. ბატონი პატელი ჩასული იყო კომპლექსის დასათვალიერებლად. მასზე იმდენად დიდი შთაბეჭდილება მოახდინა იქ ნანახმა და მოსმენილმა, რომ ინდოეთში დაბრუნებისთანავე სტატია გამოაქვეყნა გუჯარათულ ენაზე გამომავალ გაზეთში.

იეჰოვას მოწმეთა და ინდოეთის რელიგიური ორგანიზაციების რწმენის ერთმანეთთან შედარებისას, ბატონმა პატელმა აღნიშნა, რომ სამების მოძღვრების საპირისპიროდ, რომელსაც ჩვეულებრივ ეკლესიებში ასწავლიან, იეჰოვას მოწმეებს სწამთ ყოვლისშემძლე ღმერთი იეჰოვა და თავიანთ თაყვანისმცემლობაში ისინი გამოსახულებებს არ იყენებენ. მან შენიშნა, რომ იეჰოვას მოწმეები მაღალი პრინციპებით ხელმძღვანელობენ, ვინაიდან მტკიცედ მისდევენ ბიბლიაზე დაფუძნებულ მაღალზნეობრივ ქრისტიანულ ნორმებს. აქედან გამომდინარე, ცოლ-ქმრული ღალატი, აბორტი, მოყვასის სიძულვილი ან მკვლელობა მათთვის ყოვლად მიუღებელია. პატელმა იეჰოვას მოწმეები მშვიდობიან, მოსიყვარულე, მომთმენ, მტკიცე და, ამავე დროს, ბიბლიური ცნობის გულმოდგინე მქადაგებლებად მოიხსენია. გარდა ამისა, მან აღნიშნა, რომ მოწმეები ყოველთვის მზად არიან სხვების დასახმარებლად.

მაგრამ რა პასუხი მიიღო ამ ინდოელმა ჟურნალისტმა ზემოხსენებულ კითხვაზე: „რა სარგებლობა მოაქვს თქვენს საქმიანობას საზოგადოებისთვის?“. ის წერს: „მიპასუხეს, რომ ბიბლიურ განათლებას ცხოვრებაში ყოველმხრივ მოაქვს სარგებლობა“. პატელს განსაკუთრებით ჯანმრთელობასა და სამუშაოსთან დაკავშირებული საკითხები აინტერესებდა. მიღებული პასუხის შემდეგ ის ამბობს: „თუ პიროვნება მისდევს ბიბლიის რჩევას, თავს არიდებს მავნე ნივთიერებებს, მაგალითად, თამბაქოსა და ნარკოტიკებს, და ეწევა სუფთა ცხოვრებას, მრავალ დაავადებას აიცილებს თავიდან. ხოლო რაც შეეხება შრომისმოყვარე, სუფთა და პატიოსან ადამიანებს, ისინი სამსახურსაც უფრო ადვილად პოულობენ. გარდა ამისა, პრობლემების გადაჭრა სიკეთისა და სიყვარულის სულში სხვებთან მშვიდობიან ურთიერთობას უწყობს ხელს. ამგვარად, ბიბლიური განათლების ცხოვრებაში გამოყენება სასარგებლოა საზოგადოებისთვის“.

ამ ჟურნალისტმა იეჰოვას მოწმეთა მსოფლიო მთავარ განყოფილებაში საკუთარი თვალით იხილა, როგორ იყენებენ ბიბლიურ სწავლებებს ცხოვრებაში. მისი სტატია აქებს ერთგული მოხალისეების სისუფთავესა და სიხარულს სულიერი საქმიანობის ამ ცენტრში. თქვენც შეგიძლიათ მიიღოთ სარგებლობა ბიბლიური სწავლებიდან. როგორ? იეჰოვას მოწმეები სიამოვნებით დაგეხმარებიან ამაში.

[სურათის საავტორო უფლება 32 გვერდზე]

Newspaper background: Courtesy Naya Padkar, Gujarati Daily published from Anand, India