ცხენოსანი ჯარის იერიში, რომელიც შენც გეხება

1, 2. როგორ ეხება ღვთის ხალხს დღეს გამოცხადების 9:13—19-ში მოცემული წინასწარმეტყველური ხილვის შესრულება?

¹ „მეექვსე ანგელოზმა დააყვირა საყვირს“. ამის შემდეგ „ცხენოსანმა ჯარმა“, რომლის რიცხვიც იყო „ოცი ათასჯერ ათი ათასი“ (აქ), იერიში დაიწყო. ეს არ არის ჩვეულებრივი სამხედრო ძალა. ცხენებს თავები ლომების თავებს მიუგავდათ. პირიდან ცეცხლი, კვამლი და გოგირდი გამოსდიოდათ, ხოლო მათი ‘კუდები ჰგავდა გველებს’. ეს სიმბოლური ცხენოსანი ჯარი გზად ყველაფერს ანადგურებს (გამოცხ. 9:13—19). იცი, თუ როგორ გეხება ამ საოცარი წინასწარმეტყველური ხილვის შესრულება?

² ცხებულთა დარჩენილი ნაწილი და მათი თანამსახურები, სხვა ცხვრები, ერთობლივად აცხადებენ ღვთის განაჩენის შესახებ. ამის შედეგად სააშკარაოზე გამოდის ქრისტიანული სამყაროს სულიერად მკვდარი მდგომარეობა. მოდი განვიხილოთ ამ წინასწარმეტყველურ ხილვასთან დაკავშირებული ორი მხარე, რომლებიც ხაზს უსვამს, თუ რატომ არიან ღვთის მსახურები ასე წარმატებულები მსახურებაში?

3. რა სწავლება მიიღე იმისათვის, რომ ეფექტურად გადასცე ღვთის ცნობა?

³ დაოსტატებულნი და აღჭურვილნი ღვთის ცნობის საუწყებლად. თეოკრატიული სამსახურის სკოლისა და კრების სხვა შეხვედრების მეშვეობით, ღვთის მსახურები დახელოვნდნენ ღვთის ცნობის შესახებ გაბედულად ლაპარაკში. იესოსა და მისი მოწაფეების მიბაძვით, ისინი ეძებენ ღირსეულებს და ამისათვის ქადაგებენ ყველგან, სადაც კი შეიძლება ხალხის ნახვა (მათ. 10:11; მარ. 1:16; ლუკ. 4:15; საქ. 20:18—20). მართლაც რომ ეფექტური აღმოჩნდა ქადაგების ეს ბიბლიური მეთოდი!

4. რა ხელსაწყოებია მრავალი მაუწყებლის განკარგულებაში, რაც მათ დავალების შესრულებაში ეხმარება?

⁴ ქრისტიანმა მსახურებმა მილიარდობით ბიბლია, წიგნი, ბროშურა და ჟურნალი გაავრცელეს ღვთის მიერ დაკისრებული სამქადაგებლო მსახურების შესრულებისას. ეს პუბლიკაციები დაახლოებით 400 ენაზე გამოდის. მათში მრავალფეროვანი თემებია განხილული და ინფორმაცია სხვადასხვა კატეგორიის ადამიანებისთვის მიმზიდველი ფორმით არის გადმოცემული. ეფექტურად იყენებ ამ ხელსაწყოებს?

5, 6. რა უჩვენებს, რომ იეჰოვას ხალხს ზეციერი მხარდაჭერა აქვს?

⁵ ღვთიური ხელმძღვანელობა და მხარდაჭერა. წინასწარმეტყველური ხილვა აგრეთვე ნათელს ხდის, რომ სიმბოლური ცხენოსანი ჯარის იერიშით წარმოდგენილ საქმიანობას ღმერთი უჭერს მხარს (გამოცხ. 9:13—15). მსოფლიო სამქადაგებლო მსახურება ადამიანური სიბრძნით ან ძალით კი არ სრულდება, არამედ — ღვთის სულით (ზაქ. 4:6). იეჰოვა იყენებს ანგელოზებს, რომ უხელმძღვანელოს ამ საქმეს (გამოცხ. 14:6). ამგვარად, თავის მიწიერ მოწმეებთან ერთად, იეჰოვა ზეციერ ძალებსაც იყენებს, რათა თავისკენ მიიზიდოს თავმდაბალი ადამიანები (იოან. 6:45, 65).

⁶ იეჰოვას ხალხი დახელოვნებული და კარგად მომზადებულია ღვთის ცნობის გადასაცემად, რასაც ანგელოზების ხელმძღვანელობით ასრულებენ. ეს მათ უძლეველს ხდის. კვლავაც განვაგრძოთ მონაწილეობის მიღება ამ ამაღელვებელი წინასწარმეტყველური ხილვის შესრულებაში!