ეს სიმბოლური ორრქიანი მხეცი ერთსა და იმავე დროს არსებული ორი დამოუკიდებელი პოლიტიკური ძალაა, რომლებიც ერთმანეთთან თანამშრომლობენ. „ბატკნის რქების მსგავსი“ ორი რქა იმაზე მეტყველებს, რომ მხეცს თავი ისე მოაქვს, თითქოს მშვიდი და უწყინარია. ის ფიქრობს, რომ მისი მმართველობის ფორმა იმდენად პროგრესულია, მთელმა მსოფლიომ მას უნდა მიჰბაძოს.

ხალხს არ მოუწოდებს, დაემორჩილონ ღვთის სამეფოს, რომელსაც სათავეში ღვთის კრავი უდგას; ის სატანის, დიდი დრაკონის ინტერესებს იცავს, ნაციონალიზმით ყოფს და აძულებს ერებს ერთმანეთს. ამგვარად ის ხელს უწყობს პირველი მხეცის თაყვანისცემასc.

მას ნება მიეცა, მხეცის ქანდაკებისთვის სული ჩაედგა, რათა მხეცის ქანდაკებას ისე ელაპარაკა და ემოქმედა, რომ დახოცილიყო ყველა, ვინც თაყვანს არ სცემდა მხეცის ქანდაკებას“ (გამოცხადება 13:14, 15).

29. ა) რა მიზანს ემსახურება მხეცის ქანდაკება და როდის შეიქმნა ის? ბ) რატომ არ არის მხეცის ქანდაკება უსიცოცხლო?

²⁹ რა არის „მხეცის ქანდაკება“ და რა მიზანი აქვს მას? მისი მიზანია, მხარი დაუჭიროს იმ შვიდთავიანი მხეცის თაყვანისცემას, რომელსაც ჰგავს, და ამგვარად, ასე ვთქვათ, უკვდავყოს ის. ეს ქანდაკება მას შემდეგ იქმნება, რაც შვიდთავიან მხეცს მახვილით მიყენებული ჭრილობა უხორცდება, ანუ პირველი მსოფლიო ომის შემდეგ. ეს არ ჰგავს ნაბუქოდონოსორის მიერ დურას ველზე აღმართულ უსიცოცხლო ქანდაკებას (დანიელი 3:1). ორრქიანმა მხეცმა სული ჩაუდგა ამ ქანდაკებას, რომ გაცოცხლებულიყო და მსოფლიო ისტორიაში თავისი როლი შეესრულებინა.