Karai Kasang Ra Sharawng Na Matu Hpa Galaw Ra Na Kun?

N kaja ai amu hpe koi kau u. 1 Korinhtu 6:9, 10

Yehowa hpe tsawra yang, shi nju ndawng ai lam ni hpe, galaw na n re.

Lagu ai, chyaru lu lai ai, kani nanghpam lu sha ai ni hpe, Yehowa n galaw shangun mayu ai.

Masha sat ai, ma shabrai ai, num, la shada da nga sha ai ni hpe, Karai Kasang nju ndawng ai. Lawhpa ai, ga law hkat ai hpe shi n ra ai.

Gawng-ngu sumla ni hpe n mai nawku ai. Nat hte seng ai hpaji hpe mung n mai hkan ai.

Du na ra ai mungkan Hparadisu hta, nhkru ai masha ni a matu, shara n nga ai..

Kaja ai amu hpe galaw u. Mahte 7:12

Karai Kasang ra sharawng na matu, shi a kasi hpe shakut nna hkan sa ra ai.

Kaga masha ni hpe matsan dum nna, jaw lu jaw sha kam ai hte, tsawra myit madun u.

Ding man u.

Yehowa hte shi a yaw shada ai lam ni hpe hkaw tsun u.—Esaia 43:10.

Matsan dum chye u. Mara raw ya u.