Ũndũ Tũtonya Kwĩthĩwa Atavanyʼa Aseo—Kwonyʼa Andũ Ũndũ Matonya Kwĩmanyĩsya Mbivilia Tũitũmĩa Ĩvuku Mbivilia Ĩmanyĩasya

Nĩkĩ Nĩ Ũndũ wa Vata?: Andũ aingĩ no malee kũelewa ĩla twamea nĩtwĩmanyĩasya Mbivilia na andũ vate ndĩvi. No maelewe ko tũũmea maĩlĩte kũlika kĩkundinĩ kya kwĩmanyĩsya kana kũthi koosi ya Mbivilia. Vandũ va kũmea nĩtwĩmanyĩasya Mbivilia na andũ, twaĩle kũmonyʼa ũndũ twĩkaa ũu. Ũitũmĩa o ndatĩka nini, o na ũũngye mũomonĩ, nũtonya kwonyʼa mũndũ ũndũ kwĩmanyĩsya Mbivilia ne laisi na ne ũndũ wa kũtanĩthya.

Ũtonya Kwĩka Ũu Ata?:

Wamina kũkethanyʼa na mwene nyũmba, mũkũlye ethĩwa nĩwĩwʼaa aithĩnĩka nũndũ wa ĩvinda yĩla yũkĩte.
Mwĩe kana andũ aingĩ nĩmathĩnĩkĩaa maũndũ ta asu, na ũimwonyʼa syongo ila syĩ ĩvukunĩ Mbivilia Ĩmanyĩasya. Mũelesye kana ĩvuku yĩĩ nĩyĩeleetye kwa nzĩa yĩ laisi ũndũ Mbivilia ĩmanyĩasya ĩũlũ wa ĩvinda yũkĩte na ĩũlũ wa maũndũ angĩ. Mũkũlye nĩ kyongo kĩva kĩũmwendeesya.
Mũnenge ĩvuku, na ũimwĩa avue kĩlungu kĩla wanyuva. Mũtavye kana makũlyo ala me vau mwambĩĩonĩ masũngĩĩtwe nthĩnĩ wa tũlungu.
Kũlya mwene nyũmba asome kalungu ka mbee ethĩwa no ende kwĩka ũu. Ĩtina wa ũu, soma ĩkũlyo ya kalungu kau, na mũimantha ũsũngĩo wĩ nake. Somai na mũineenea maandĩko ala mate maumĩĩsye makwatĩte mbau ũsũngĩo ũsu. Mwonyʼe ũndũ ũkululĩĩle ũsũngĩo ĩvukunĩ yaku.
Somai kalungu kala kaatĩĩe, na ũimũkũlya atate kũmantha ũsũngĩo na aisũngĩa atũmĩĩte ndeto syake.
Mũkathe, na mũivanga ĩla ũũsyoka mũke kũendeea kũsoma.
Woona vatonyeka, mwonyʼe vitio Ni Nini Hutendeka Kwenye Funzo la Biblia? ĩla yĩ Kĩsesenĩ kitũ kya jw.org/sw.

Tata Kwĩka Ũndũ Ũũ Mweinĩ Ũũ:

Mũvoye Yeova aathime kĩthito kyaku kya kwambĩĩsya kwĩmanyĩsya Mbivilia na mũndũ.—Avi. 2:13.
Tata kwonyʼa andũ ũndũ matonya kwĩmanyĩsya Mbivilia ũitũmĩa ĩvuku Mbivilia Ĩmanyĩasya, kana ũmonyʼe vitio Ni Nini Hutendeka Kwenye Funzo la Biblia? o na ethĩwa wĩĩka ũu o ĩmwe ĩla ũtavanyʼa.