Andũ ma Mũika, Mũikalee Kũvĩtĩla Ũla ‘Mũomonĩ Mũnene’

Nĩ ũndũ wĩ laisi kũsũanĩa kana vinya ũla twĩthĩawa nawʼo ĩvindanĩ yĩla twĩ ma mũika ndũkathela, na tũikavikĩwa nĩ “mĩthenya mĩthũku” ĩla ĩvikĩaa andũ makũa ũmũnthĩ nthĩnĩ wa nthĩ ĩno ĩtongoewʼe nĩ Satani. (Mũta 12:1) Ethĩwa wĩ mũndũ wa mũika, we nũkwona ta wĩ na ĩvinda yingĩ ũtonya kũtũmĩa kwĩanĩsya mĩvango ya kĩ-veva ta kwĩthĩwa ũthũkũminĩ wa ĩvinda yonthe?

Ithyonthe, o na ala anini nĩtũkwatawa nĩ “ĩvinda na ĩvuso [kana, ũndũ ũtataĩĩwe].” (Mũta 9:11) “Mũiĩsĩ maũndũ ũndũ meĩthĩwa ũnĩ.” (Yak 4:14) Kwoou, ndwaĩle kũtindĩa kũkũĩĩsya mĩvango yaku ya maũndũ ma kĩ-veva. Lika nthĩnĩ wa “mũomo mũnene ũla waĩlĩte wa wĩa” nĩkwĩthĩwa yu nĩmũvingũe kwondũ waku. (1Ako 16:9) Na weeka ũu, ndũkesa kwĩlila.

Mĩvango ya kĩ-veva ũtonya kwĩanĩsya:

• 

  Kũtavanyʼa ũtũmĩĩte kĩthyomo kĩeni

• 

  Kũtwʼĩka vainia

• 

  Kũthi sukulu sya Mbivilia

• 

  Kũtetheesya kwaka myako ĩkonetye maũndũ ma Ũsumbĩ

• 

  Ũthũkũmi wa Mbetheli

• 

  Kũtwʼĩka mũsyaĩĩsya wa mũthyũlũlũko

Andĩka mĩvango yaku ya kĩ-veva.