MOSŨNGĨO MA MAKŨLYO MA MBIVILIA

Ndevili aumie va?

Ngai ndaaũmba Ndevili. Ĩndĩ, Ngai oombie mũlaĩka mũseo ũla ĩtina wanyuvie kũtwʼĩka Ndevili, ũla ĩngĩ wĩtawa Satani. Yesũ oonanisye kana ve ĩvinda Ndevili waĩ mũlũngalu na waũngamĩte nthĩnĩ wa ũla wʼo. Kwoou, mwambĩlĩlyonĩ Ndevili aĩ mũlaĩka mũlũngalu e mwana wa Ngai.—Soma Yoana 8:44.

Mũlaĩka mũlũngalu aĩ atonya kũtwʼĩka Ndevili ata?

Mũlaĩka ũla watwʼĩkie Ndevili anyuvie kũmũlea Ngai na atuma asyai maitũ ma mbee mamũlea Ngai. Kwoou, nĩwe weetwʼĩkĩthisye Satani, ĩsyĩtwa yĩla yoonanasya “Mũvinganĩsya.”—Soma Mwambĩlĩlyo 3:1-5; Ũvuanʼyo 12:9.

O ta syũmbe ila ingĩ syĩ kĩlĩko sya Ngai, mũlaĩka ũla watwʼĩkie Ndevili aĩ na ũthasyo wa kũnyuva kwĩka ũla ũseo kana kwĩka ũla ũthũku, ĩndĩ eethĩwa na ĩtomo ya kũthaithwa. Endaa mũno kũkwata ndaĩa kwĩ kũmwendeesya Ngai.—Soma Mathayo 4:8, 9; Yakovo 1:13, 14.

Ndevili ethĩĩtwe ayasya andũ ata? We nĩwaĩle kũmũkĩa? Nũtonya kũkwata mosũngĩo ma makũlyo asu Mbivilianĩ.