MOSŨNGĨO MA MAKŨLYO MA MBIVILIA
Kĩkw’ũ kya Yesũ kĩtũunaa ata?
Ngai oombĩte andũ mekale tene na tene ĩũlũ wa nthĩ mate kũwaa kana kũkw’a. Mũndũ wa mbee, Atamu, ndaamwĩw’a Ngai, na nũndũ wa ũu aasya wĩkwatyo wa kwĩkala tene na tene. Naĩ ĩsu ya Atamu nĩyatũeteie kĩkw’ũ nũndũ twĩ ũsyao wake. (Alomi 5:8, 12; 6:23) Yeova Ngai nĩwatũmie Mwana wake, Yesũ, kũũ nthĩ akw’e nĩ kana atwovosye kuma naĩnĩ.—Soma Yoana 3:16.
Kĩkw’ũ kya Yesũ kĩkatuma andũ makwata thayũ ũtathela. We wĩona ta kũkethĩwa kũilyĩ ata andũ mayĩkala ĩũlũ wa nthĩ mateũkw’a?
Kĩkw’ũ kya Yesũ nĩkĩtumaa tũekewa naĩ sitũ na twĩthĩwa na wĩkwatyo wa thayũ ũtathela. Mbivilia nĩyĩeleetye ũndũ andũ makatanĩa thayũ kũũ nthĩ ĩtina wa ũkũũ, mowau, na kĩkw’ũ kũvetwa.—Soma Isaia 25:8; 33:24; Ũvuan’yo 21:4, 5.
Twaĩle kũlilikana kĩkw’ũ kya Yesũ ata?
Wĩoo wake wa mũthya atanamba kũawa, Yesũ nĩweeie amanyĩw’a make malilikanae kĩkw’ũ kyake kwĩsĩla mboka ĩte na maũndũ maingĩ. Kũlilikanaa kĩkw’ũ kya Yesũ kĩla mwaka kwa nzĩa ĩsu weeaĩe amanyĩw’a make nĩkũtũnengae mwanya wa kũsũanĩa kwa ũliku ũndũ Yesũ na Yeova mendete andũ.—Soma Luka 22:19, 20; 1 Yoana 4:9, 10.
Mwaka ũũ, tũkalilikana kĩkw’ũ kya Yesũ Wakwambĩlĩlya, Matukũ 14, Mwei wa 4, syũa yathũa. Nũũthokw’a wĩũmbana vamwe na Ngũsĩ sya Yeova ila syĩ kĩsionĩ kyenyu.—Soma Alomi 1:11, 12.