Ũndũ Ũtonya Kwasya

Ũndũ Tũtonya Kwasya Tũithokanyʼa

“Twooka kũũthokya wĩ na mũsyĩ waku ũmbanonĩ wa vata mũno ũla wĩkawa nthĩ yonthe kĩla mwaka. Mwakanĩ ũũ ũkeekwa Matukũ 26, Mwei wa 3. Nĩ ũmbano wa kũlilikana kĩkwʼũ kya Yesũ. Ũvoo umĩtwʼe Mbivilianĩ ũkwonanyʼa ũndũ kĩkwʼũ kya Yesũ kĩtũtethasya ũkaumwʼa, na vaiĩ ndĩvi. Kathangũ kaa nĩkonanĩtye saa na vandũ vala tũkekĩa ũmbano ũũ.”

Mnara wa Mlinzi 01/3/13

“Andũ amwe nĩmakũlasya ĩkũlyo yĩĩ, ‘Ve ũĩkĩĩthyo mwaũ wa kana Yesũ nĩwathayũũkiwʼe?’ We waaĩkũlya ĩkũlyo yĩu? [Eteela asũngĩe.] Kwoona nĩkĩ ũsũngĩo wa ĩkũlyo yĩu ne wa vata. [Soma 1 Akolintho 15:14.] Ĩkaseti yĩĩ nĩyĩeleetye kana ũthayũũkyo nĩweekĩkie.”

Amkeni! Mwei wa 3

“We nũkwĩtĩkĩla kana ĩvindanĩ yĩĩ ti laisi kũea? [Eteela asũngĩe.] Asyai aingĩ nĩmakwatĩte ũtao kuma Mbivilianĩ. Kwa ngelekanyʼo, mũsitalĩ ũũ nũtethetye aaĩthe kwona vata wa kũkatha syana syoo na kũitetheesya syĩthĩwe na ũlũmu. [Soma Akolosai 3:21.] Ũvoo ũũ nĩwonanĩtye nzĩa itano sya vata ila itonya kũtetheesya aaĩthe nthĩnĩ wa mĩsyĩ.”