Ũndũ Ũtonya Kwasya

Ũithokya Andũ Ũmbanonĩ wa Kũlilikana Kĩkwʼũ kya Yesũ

“Ũmũnthĩ twĩthokasya andũ ũmbanonĩ wa vata mũno. Matukũ 14, Mwei wa 4, andũ milioni mbingĩ ĩũlũ wa nthĩ makoombana malilikane kĩkwʼũ kya Yesũ na mayĩthukĩĩsya ũvoo ũkwonanyʼa ũndũ kĩkwʼũ kyake kĩtũunaa. Kathangũ kaa nĩkonanĩtye vala ithyĩ twĩũmbanĩa na masaa ala tũkombana.”

MŨSYAĨĨSYA 01/04/2014

“Tũmũthokeete o kwa ndatĩka mbũthũ tũneenee ũndũ wĩkawa nĩ andũ aingĩ. Vakuvĩ kĩla mũndũ, o na ethĩwa nĩ wa ndĩni yĩva, nũvoyaa. Nũkwĩsilya Ngai ta ũsũngĩaa mboya, kana wonaa ta tũvoyaa nĩ kana o twĩwʼe twakwata vinya? [Eteela asũngĩe.] Kwoona ũndũ Mbivilia ĩwetaa ĩũlũ wa mboya. [Soma 1 Yoana 5:14.] Ĩkaseti yĩĩ nĩyĩeleetye ũndũ kũvoya kũtũtethasya.”

Amkeni! Mwei wa 4

“Matukũ aa andũ aingĩ nĩmakusaa ngoo na makeyũwaa nũndũ wa kũitavĩwa nĩ mathĩna. Ĩla mũndũ wakwʼa ngoo kĩthemba kĩu, we wĩĩsilya ethĩawa o ayenda kũkwʼa kana ethĩawa ayenda kumanwa na mathĩna? [Eteela asũngĩe.] Kwoona wathani ũũ wĩ Mbivilianĩ ũtethetye andũ aingĩ kũmĩanĩsya na mathĩna. [Soma Ũvuanʼyo 21:3, 4.] Ĩkaseti yĩĩ nĩyonanĩtye maũndũ atatũ matonya kũtetheesya mũndũ kwĩkala omĩanĩsye na mathĩna.”