Ũndũ Ũtonya Kwasya

Kwondũ wa Kambeini ya Kũthokya Andũ Ũmbanonĩ wa Kũlilikana Kĩkwʼũ kya Yesũ

“Ũmũnthĩ twĩthokasya andũ ũmbanonĩ wa vata mũno. Andũ milioni mbingĩ ĩũlũ wa nthĩ makoombana Matukũ 3, Mwei wa 4 malilikane kĩkwʼũ kya Yesũ na mayĩthukĩĩsya ũvoo ũkwonanyʼa ũndũ kĩkwʼũ kyake kĩtũunaa. Kathangũ kaa nĩkonanĩtye vala ithyĩ twĩũmbanĩa na masaa ala tũkombana.”

MŨSYAĨĨSYA 01/03/2015

“Ũmbano wa kũlilikana kĩkwʼũ kya Yesũ Klĩsto ũkeethĩwa Matukũ 3, Mwei wa 4. Andũ amwe kĩsionĩ kĩĩ kitũ makoombana matukũ asu malilikane kĩkwʼũ kya Yesũ, ĩndĩ ve angĩ matonaa vata wa kĩkwʼũ kyake. Woni waku nĩ mwaũ? Nĩwonaa ta tũtethekaa kumana na kũkwʼa na kũthayũũka kwa Yesũ? [Eteela asũngĩe.] Eka wone ũndũ Mbivilia yaĩtye ĩũlũ wa ũu. [Soma 1 Akolintho 15:22, 26.] Ĩkaseti yĩĩ yĩneeneete ũathimo ũmwe ũkaetwe nĩ nthembo ya wovosyo ya Yesũ, ũla nĩ kũvetangĩwa kĩkwʼũ.”

Amkeni! Mwei wa 3

“Twĩthokeaa andũ kwa ũkuvĩ tũimonyʼa ĩkaseti yĩĩ ya mĩtũkĩ. [Mwonyʼe ĩthangũ ya mbee.] Kĩla mũndũ ethĩawa na woni wake ĩũlũ wa ĩkũlyo yĩĩ: ‘Je, kweli kuna Mungu?’ We wĩona ata, nũũ wĩsĩ nesa ĩũlũ wa ĩvinda yũkĩte, nĩ ala maĩkĩĩaa Ngai kana nĩ ala matamũĩkĩĩaa? [Eteela asũngĩe.] Ĩandĩko yĩĩ nĩyonanĩtye ũndũ ũmwe ũnengae andũ aingĩ wĩkwatyo. [Soma Savuli 37:10, 11.] Ĩkaseti yĩĩ nĩyonanĩtye maũndũ ana ala matonya kũtũtetheesya kũmanya ethĩwa kwĩ Ngai.”