Ũndũ Ũtonya Kwasya

Kũmantha Andũ ma Kũmanyĩwʼa Mbivilia Wathanthatũ wa Mbee wa Mwei wa 3

“Twooka ũkũelesya ũndũ mũna ũkethĩwa Matukũ 14, Mwei wa 4. Tũkeethĩwa tũililikana kĩkwʼũ kya Yesũ mũthenya ũsu. Andũ amwe makalilikana mũthenya ũsu nũndũ monaa kĩkwʼũ kyake kĩ kya vata. Namo andũ angĩ mayĩthĩawa mesĩ kĩkwʼũ kya Yesũ kyeanĩisye kyaũ. We wĩona ata, yo kĩkwʼũ kya Yesũ nĩkĩtonya kũtũtethya?” Eteela asũngĩe. Mwonyʼe ĩthangũ ya ĩtina ya ĩkaseti ya Mũsyaĩĩsya ya 01/03/2014, na mũineenea ũvoo ũla wĩ ungu wa ĩkũlyo ya mbee. Somai maandĩko ala monanĩtwʼe o na ethĩwa mwĩsoma o yĩmwe. Mũtiĩe makaseti na ũivanga wĩsyoka mũke kũsũngĩa ĩkũlyo yĩla yĩatĩĩe.

MŨSYAĨĨSYA 01/03/2014

“Andũ aingĩ mayĩthĩawa mesĩ nĩkĩ Ngai ũtaaosa ĩtambya nĩ kana amine mathĩna na ũsili ũte wa katĩ kũũ nthĩ. We wĩona ata, Ngai aemete kwosa ĩtambya nũndũ ndatũthĩnĩkĩaa kana nũndũ onaa nĩ ũseo andũ makaendeea kũthĩna? [Eteela asũngĩe na ĩndĩ ũisoma Yoana 3:16.] O na kau andũ aingĩ nĩmawetaa ĩandĩko yĩĩ mayenda kwonanyʼa kana Ngai nũtũthĩnĩkĩaa, mayĩthĩawa mesĩ ũndũ kĩkwʼũ kya Mwana wa Ngai kĩtonya kũmatethya. Ĩkaseti yĩĩ nĩyonanĩtye ũndũ kĩkwʼũ kya Yesũ kĩkatuma nthĩ ĩno yĩthĩwa ĩte na mathĩna na ũsili ũte wa katĩ.”

Amkeni! Mwei wa 3

“Twamũthokea kwa ũkuvĩ tũitetheesya andũ maelewe nesa mũsoa ũũ andũ aingĩ maũeleawa naĩ. [Soma Mwambĩlĩlyo 1:1.] Andũ amwe maĩkĩĩa kana ĩtu na nthĩ nĩsyoombiwe, ĩndĩ angĩ maiĩkĩĩaa ũu. We wĩ na woni mwaũ? [Eteela asũngĩe.] Andũ aingĩ mewʼaa vinya kũĩkĩĩa kana syĩndũ syeekie kũmbwa nũndũ atongoi ma ndĩni mamanyĩasya maũndũ mate Mbivilianĩ. Ĩkaseti yĩĩ nĩyĩeleetye nesa vyũ kĩla Mbivilia ĩmanyĩasya ĩũlũ wa mwambĩlĩlyo wa ĩtu na nthĩ.”