ĨKĨA KĨTHITO WĨTHĨWE MŨTAVANYʼA MŨSEO

Kambeini ya Kũthokya Andũ Ũmbanonĩ Mũnene wa Mĩthenya Ĩtatũ

Ũmwe wa Ngũsĩ sya Yeova aitavya mũndũũme ũngĩ atũmĩĩte kakalĩ ka kwilĩĩla mavuku

Kĩla mwaka, twĩthĩawa na mea ma kũtanĩa lĩu mwingĩ wa kĩ-veva ũla tũkwataa nthĩnĩ wa ũmbano mũnene wa mĩthenya ĩtatũ. Nĩ kana andũ angĩ masame ũseo wa Yeova, twĩenda kũthokya aingĩ ũndũ vatonyeka moke ũmbanonĩ ũũ. (Sav 34:8) Kĩla nzama ya atumĩa yaĩle kwĩka mĩvango mĩseo nĩ kana tũthangũ twa kũthokanyʼa tũnenganwe nesa.

MAŨNDŨ MA KŨLILIKANA

Ũmbano mũnene ũla kĩkundi kitũ kĩkathi ũkeethĩwa matukũ meana?
Kambeini ĩkambĩĩa ĩndĩĩ?
Maũmbano ma ũtavanyʼa kĩkundinĩ kitũ makeethĩawa ĩndĩĩ?
Nĩvangĩte kwĩanĩsya kyaũ nthĩnĩ wa kambeini ĩsu?
Nĩvangĩte kũthokya ũũ?

ŨNDŨ ŨTONYA KWASYA

Kathangũ ka kũthokany’a ũmbanonĩ mũnene wa mĩthenya ĩtatũ wa 2016

Ĩtina wa kũkethanyʼa na mwene nyũmba, no wasye:

“Tũendeee kũnenga andũ ĩũlũ wa nthĩ yonthe kathangũ kaa ka kũmathokya kwondũ wa ũmbano wa vata mũno. Matukũ, saa, na vala tũkombanĩa nĩsyonanĩtwʼe kathangũnĩ kaa. Tũkatana mũno kwĩthĩwa vamwe naku ũmbanonĩ ũsu.”

ŨNDŨ ŨTONYA KWĨKA NĨ KANA ŨTETHEESYE ALA MENDEEWʼA

Ĩkaseti ya Amkeni!, Na. 2 2016 | Je, Biblia Ni Kitabu Chenye Manufaa?

O na kau nĩtũkwenda kũthokya andũ aingĩ ũndũ vatonyeka ũmbanonĩ ũũ mũnene, nĩtwaĩle kwĩthĩwa twĩ metho tũtetheesye andũ ala mekwendeewʼa.

Wathanthatũ na Wakyumwa, no ũnengane kathangũ ka kũthokanyʼa vamwe na makaseti.