Ũndũ Tũtonya Kũtũmĩa Mbulosua Naaũ Mekaa Kwenda kwa Yeova Ũmũnthĩ?

Mbulosua Naaũ Mekaa Kwenda kwa Yeova Ũmũnthĩ? ĩseũvĩtwʼe nĩ kana tũkemanyĩasya na mũmanyĩwʼa mwambĩĩonĩ kana mũthyanĩ wa ĩsomo.a Ĩsomo ya 1 nginya ya 4 nĩyĩtetheeasya amanyĩwʼa maelewe Ngũsĩ sya Yeova, nayo ĩsomo ya 5 nginya ya 14 nĩyĩmatetheeasya maelewe wĩa witũ, na ĩsomo ya 15 nginya ya 28 nĩyĩtetheeasya amanyĩwʼa maelewe maũndũ ala ũseũvyo wa Yeova ũendeeasya. Mavinda maingĩ nũseo kũneenea masomo asu maatĩanĩe ethĩwa vai ũndũ wa vata vyũ mũmanyĩwʼa waĩle kũmanya saa isu. Kĩla ĩsomo yĩthĩawa o ĩthangũnĩ yĩmwe na no ũyĩneenee na amanyĩwʼa ma Mbivilia kwa ĩvinda ya ndatĩka 5 nginya 10.

• 

  Tetheesya mũmanyĩwʼa asũanĩe ĩkũlyo ya kyongo kya ĩsomo yĩla mũkwĩmanyĩsya

• Somai maũndũ ala me ĩsomonĩ yĩu nginya mũthya, kana o kalungu kũthi kala kangĩ

• Neeneai maũndũ ala mwasoma. Tũmĩa makũlyo ala me mũthyanĩ wa ĩsomo yĩu na mavisa. Somai na mũineenea maandĩko ala me ĩsomonĩ yĩu ũndũ mwĩona vaĩlĩte. Elesya kana syongo nini ila syĩ na langi mũkwatu na syĩ ungu wa kyongo kĩnene isũngĩĩte ĩkũlyo yĩla yĩ kyongonĩ kĩnene

• Ethĩwa ve kasandũkũ kala ke na kyongo “Manya Maũndũ Maingangĩ,” kasomei vamwe na ũithuthya mũmanyĩwʼa atate kwĩka maũndũ ala me kasandũkũnĩ kau