Ũndũ Tũtonya Kũtũmĩa Mbulosua Naaũ Mekaa Kwenda kwa Yeova Ũmũnthĩ?
Mbulosua Nzaũ ya Kũtetheesya Amanyĩwʼa ma Mbivilia Maelewe Ũseũvyo wa Yeova
1. Weta itumi itatũ sya kumwʼa kwa mbulosua Kwenda kwa Yeova?
1 Nũtũmĩĩte mbulosua nzaũ Naaũ Mekaa Kwenda kwa Yeova Ũmũnthĩ? Kĩeleelo kyayo nĩ (1) kũtetheesya amanyĩwʼa ma Mbivilia matũmanye ĩthyĩ Ngũsĩ sya Yeova, (2) kũmatetheesya mamanye maũndũ ala twĩkaa, na (3) kũmatetheesya mamanye ũndũ ũseũvyo witũ wĩkaa maũndũ. Mbulosua Kwenda kwa Yeova, yĩ na ĩsomo o yĩmwe nthĩnĩ wa kĩla ĩthangũ. Kwoou nĩ ũndũ ũtonyeka kũsoma ĩsomo yĩmwe kwa ĩvinda ya ndatĩka itano kũvika ĩkũmi ĩtina wa kwĩmanyĩsya na mũmanyĩwʼa.
2. Mbulosua Kwenda kwa Yeova yĩ na maũndũ maũ, na mavangĩtwe ata?
2 Ũndũ Maũndũ Mavangĩtwe: Mbulosua ĩno yĩ na ilungu itatũ. Kĩla kĩmwe kĩneenea ũndũ mũna ĩũlũ wa ũseũvyo wa Yeova o tondũ vonanĩtwʼe kalungunĩ ka mbee. Kyongo kya kĩla ĩsomo kĩandĩkĩtwe ta ĩkũlyo, na syongo nini ila syĩ na langi mũkwatu isũngĩĩte ĩkũlyo yĩu. Mavisa kũma nthĩ mbee wa 50 nĩmonanĩtwʼe mbulosuanĩ ĩno, kwonanyʼa wĩa witũ wĩ kĩla vandũ ĩũlũ wa nthĩ. Masomo amwe me na ĩsandũkũ “Manya Maũndũ Maingangĩ.” Ĩsandũkũ yĩu yĩ na maũndũ matonya kũtetheesya mũmanyĩwʼa wa Mbivilia kũmanya maũndũ maingangĩ.
3. Tũtonya kũtũmĩa ata mbulosua Kwenda kwa Yeova?
3 Ũndũ Ũtonya Kũmĩtũmĩa: Ambĩĩa kwa kwonyʼa mwene nyũmba ĩkũlyo, yĩla nĩ kyongo kya ĩsomo. Mũendeee na kũneenea ĩsomo, thingĩlĩĩla syongo nini ila syĩ na langi mũkwatu. Minĩĩai kwa kũsyokea makũlyo ala me mũthyanĩ wa ĩsomo. No mũsome ĩsomo yonthe savalĩ ũmwe na mũyĩĩneenea, kana mũkasoma kĩla kyongo kĩnini kĩ kyoka. Tũmĩa ũĩ ũtwʼe nĩ maandĩko me va mwaĩle kũsoma. Ndũkolwe nĩ kũneenea mavisa na ĩsandũkũ “Manya Maũndũ Maingangĩ.” Mavinda maingĩ, nĩ ũseo kũneenea masomo o ũndũ maatĩanĩe. O na ũu, no ũsakũe ĩsomo yĩngĩ yĩ mbee kwosana na vata ũla wĩ vo. Kwa ngelekanyʼo, ethĩwa ve ũmbano mũnene ũthengeee, no ũnenee ĩsomo ya 11.
4. Nĩkĩ wĩ na ũtanu kwĩthĩwa na mbulosua nzaũ Kwenda kwa Yeova?
4 Yĩla tũkwĩmanyĩsya Mbivilia na mũndũ, twĩthĩawa tũimũtetheesya amanye Ĩthe witũ wa ĩtunĩ. O na ĩngĩ, nĩtwaĩle kũmũmanyĩsya ĩũlũ wa ũseũvyo wa Yeova. (Nth. 6:20) Twĩ na ũtanu mwingĩ mũno kwĩthĩwa na mbulosua ĩno nzaũ ĩla ĩkatũtetheeasya kũmanyĩsya andũ ĩũlũ wa ũseũvyo wa Yeova!